Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

සාමාන්‍යයෙන් කටුස්සෝ එයාලට  ඕනෙ කරන කෑම බීම සපයා ගන්නේ සිරුරේ පාට වෙනස් කරලා. සිරුරේ පාට එයාලා ඉන්න පරිසරයේ පාටට සමාන වෙන විදියට වෙනස් කළාම නොදැන එයාලගෙ ළඟට එන කෘමි සතුන්ව බොහොම පහසුවෙන් අල්ලාගෙන කන්න එයාලට පුළුවන්.
මේක කටුස්සාගේ විදිය වුණාට ‘අං කටුස්සා’ එහෙම නැහැ. එයාට අනිත් කටුසු වර්ග තරම් හොඳට සිරුරේ පාට පරිසරයේ පාටට වෙනස් කර ගන්නත් බැහැ. ඒ වුණත් එයාලට ස්වභාව ධර්මයෙන් ඊට වඩා හොඳ ක‍්‍රමයකට කෘමි සතුන් ගොදුරු කර ගන්න අවස්ථාව ලබා දීලා තියනවා.
ඒ තමයි ඔවුන්ට පුළුවන් ඔවුන්ගේ ඇස්වලින් රතු පැහැති දියරයක් නිකුත් කරන්න. මේ දියරය හරියට රුධිරය වගේමයි. ඉතින් මේ රතු පාටින් ගලා යන්නේ මැරිච්ච කටුස්සෙකුගේ රුධිරය කියලා හිතන කෘමි සතුන් කටුස්සා ඉන්න දිහාට ඇදිලා යනවා. අන්න එතකොට තමයි කටුස්සා ඒ කෘමින්ව අල්ලාගෙන ගිල දාන්නේ. මේ විදියට කෘමි සතුන්ට වඩා ටිකක් විශාල කුරුල්ලන් වගේ සතුන්ව වුණත් රවට්ටලා ගිල දාන්න මේ අං කටුස්සා පසුබට වෙන්නේ නැහැ. 

ඉන්දියාව කියන්නේ පුදුමාකාර සිරිත්වලින් පිරුණු රටක්ග ඉන්දියානු දැරියක් කුජ සහ සෙනසුරු හතේ ඇතිව ඉපදුණොත් ඇයට විවාහ වෙන්න පිරිමියෙක් හොයන්න වෙන්නේ නැති තරම්. එහෙම උපදින දැරියන් විවාහ වුණාට පස්සේ ඉතාම ඉක්මනින් සැමියා මිය යනවා කියලා ඉන්දියානුවන් විශ්වාස කරනවා. ඒ නිසා ඒ වගේ දැරියකට විවාහ වෙන්න සිද්ධ වෙන්නේ ගහක් එක්ක.
මේ විදියට විවාහයට තෝරා ගන්නා ගස දැරිය උපදින්න කලින් රෝපණය කළ එකක් වෙන්න  ඕනේ. එ් වගේම එ් ගහේ බඳේ වට ප‍්‍රමාණය අඩි 7 කට වඩා වැඩි වෙන්නත්  ඕනේ. ඉතින් එ් විදියේ ගහක් හොයාගෙන ඒ ගහ එක්ක සියලූ චාරිත‍්‍ර සහිත විවාහයක් සිදු කළ යුතු වෙනවා. එහෙම විවාහ වෙලා දවස් හතක් ඇතුළත මේ මහා විශාල ගහ කපලා දාන්න  ඕනේ. ගහ කපලා දැම්මට පස්සේ ගහ එක්ක විවාහ වුණු තරුණියට සාමාන්‍ය විදියට පිරිමි කෙනෙක් එක්ක විවාහ වෙන්න අවසර ලැබෙනවා.

අද දක්වා ලෝකයේ විවිධ රටවලින් කැණීම් කරලා ලබා ගත් සමස්ත රත්රන් ප‍්‍රමාණය ගැන number sleuth වෙබ් අඩවිය මෙන්න මේ විදියට වාර්තා කරලා තියනවා. අතීතයේ ඉඳලා අද වෙනතුරු පෘථිවි පෘෂ්ඨයෙන් හමු වුණු රත්රන් ප‍්‍රමාණය සියයට 99 ක්. නිවැරදිව කියනවා නම් ඒවායේ සමස්ත බර මෙටි‍්‍රක් ටොන් 1,65,000 ක් විතර වෙනවාලූ.
ඒවායේ වටිනාකම ඇමෙරිකන් ඩොලර් 8,487,797,102,400 ක්. පෘථිවියේ බිලියන 7.6 ක විතර ජනගහනයක් ඉන්නවා කියන එක අපි දන්නා දෙයක්නේ. ඉතින් මේ හැමෝම අතරේ ලෝකයේ මෙතෙක් හොයා ගත්තු රත්රන් සමානව බෙදා දුන්නොත් එක් අයෙකුට රත්තරන් ග‍්‍රෑම් 24 බැගින් ලැබෙනවා. ඒ කියන්නේ එක් අයෙකුට පුළුවන් මුදු 5 ගානේ හදා ගන්න. ඒත් ආර්ථික විශ්ලේෂකයන් නම් කියන්නේ රත්රන් කියන්නේ ඉතාම දුර්ලභ ඛනිජයක් කියලයි.
 

ලිප්ස්ටික් කියලා කියන්නෙ දෙතොල් සායම් කරන්න පාවිච්චි කරන එකක් බව  ඕනෑම කෙනෙක් දන්නවා. ඒත් ඇමෙරිකාවෙ ජීවත්වෙන රොබ් ෂුවට් කියන පුද්ගලයා ලිප්ස්ටික්වලින් දෙතොල් සායම් කරනවාට වඩා අමුතුම දෙයක් කරලා තිබුණා. ඒ තමයි පාට පාට ලිප්ස්ටික් කූරු එකතු කරලා සිතුවමක් නිර්මාණය කරන එක. මේ සිතුවමේ ප‍්‍රමාණය වර්ග අඩි 30 ක්. මුළු සිතුවමටම හරියටම ලිප්ස්ටික් කූරු 32098ක් වැයවෙලා තියෙනවා. නිකී මිනාජ් කියන ඇමෙරිකානු පොප් ගායිකව තමයි මේ සිතුවමේ ඉන්නේ.

ලෝකෙ කොහෙවත් නැති විදියේ ඇඳුම් විලාසිතා දැක්මක් පහුගිය දවසක ටෝකියෝ නගරයේදී පැවැත්වුණා. ඒ, ඇමසෝන් ෆැෂන් වීක් විලාසිතා දැක්ම අතරතුරයි. මේ විලාසිතා දැක්මේ විශේෂත්වය වුණේ ඇත්තටම එයට සහභාගි වුණු නිරූපිකාවන්ට අනිත් අයට පෙන්වන්න තරම් ඇඳුමක් නොතිබුණු එකයි. ඒ කියන්නේ මේ ඇඳුම් විලාසිතාව නම් කරලා තිබුණේ ‘ස්ට‍්‍රැප් ජීන්ස්’ කියලා. ඒ කියන්නේ පටි පටි වගේ ජීන්ස් කියන්නා වගේ අදහසක්. ඉතින් නමටම හරි යන විදියට මේ ජීන්ස්වල ඇත්තටම තිබුණේ ඉරිලා වෙන් වෙලා වැල් වෙලා ගිය රෙදි පටි ටිකක් කිව්වොත් නිවැරදියි. ඇත්තටම විලාසිතා දැක්මවල් දාලා පෙන්වන්න තරම් දෙයක් මේ ජීන්ස්වල තියනවාද කියලත් ප‍්‍රදර්ශනයෙන් පස්සේ සමහරු අහන්න ගත්තා.

සොෆී ටර්නර් සහ මෙසී විලියම්ස් කියන්නේ ගේම් ඔෆ් ත්රෝන් කතා මාලාවෙන් ප‍්‍රසිද්ධියට පත් වුණු සැන්සා සහ ආර්යා කියන චරිත දෙක. මේ දෙන්නා ගේම් ඔෆ් ත්රෝන් එකේ රණ්ඩු වෙන අක්කා නගෝ දෙන්නෙක් වුණාට ඇත්ත ජීවිතයේදී මේ දෙන්නා ප‍්‍රාණ සම මිතුරියන් දෙන්නෙක්. සොෆීගේ වයස අවුරුදු 21යි. මෙසීට අවුරුදු 20යි. මේ දෙන්නා පහුගිය දවසක රටවල් කීපයක සංචාරයක නිරත වුණා. ඒ යන්න කලින් මේ දෙන්නා අමුතු විදියේ වැඩක් කරලා තිබුණා. ඒ තමයි දෙන්නාගේම අත්වල 07.08.09 කියන ඉලක්කම් ටික ටැටූ කර ගත්තු එක. දෙන්නව වට කර ගත්තු මාධ්‍යවේදීන් ඒ ටැටූ එකේ තේරුම මොකක්ද කියලා අහලා තිබුණා. ඒකේ තේරුම තමයි 2009 අවුරුද්දේ අගෝස්තු හත් වෙනිදා කියන දිනය. ඒ දිනය මේ දෙන්නගේ ජීවිතයට ඉතාම වැදගත් දිනයක්ලූ. ඒකට හේතුව එදා තමයි මේ දෙන්නාව ගේම් ඔෆ් ත්රෝන් කතා මාලාවට තෝරා ගත්තා කියලා දැනුම් දීලා තියෙන්නේ.

Page 1 of 8

IMAGE

ලිංගික උත්තේජන පෙති අකල්මරණවලට හේතුවක් ද?

IMAGE 2017 Nov 14 10:46
පුරුෂ ලිංගික උද්දීපනය සඳහා ගනු ලබන පෙති වර්ග වලින් අකල් මරණ සිදුවන බවට සමාජය පුරා පොදු...
Views - 577

වික්ටර්ට අපහාස වෙන බව දන්නවා නම් මම හොඳ කෙළියක් කරනවා

IMAGE 2017 Nov 13 13:02
සිනමාවේ හැමදාමත් දුෂ්ටකම් කරන විල්සන් කරූ පසුගිය දවස්වල ඉරාජ්ගේ මියුසික් වීඩියෝ එකක රඟපාලා...
Views - 3122

මේ මුතුකුඩ මැණිකේ නොගැළපෙන චරිත බාර ගන්නේ නැහැ

IMAGE 2017 Nov 13 12:35
අපි ඔබට මුතුකුඩ මැණිකේ කියන්නද? එහෙම නැත්නම් තිළිණි පෙරේරා කියන්නද? කැමැති නමක් කියන්න. මොකද...
Views - 1532

අයවැයෙන් වාහන මිල හරියටම අඩු වැඩි වෙන හැටි

IMAGE 2017 Nov 13 08:30
මුදල් අමාත්‍ය මංගල සමරවීර මහතා පසුගියදා (9) පාර්ලිමේන්තුවට ඉදිරිපත් කළ 2018 වසර සඳහා වන අයවැය...
Views - 2758

හොඳම නිළි සම්මානය ගන්න අධ්‍යක්ෂවරයා තනිවම ගිහින්

IMAGE 2017 Nov 12 19:05
ලාංකේය සිනමා නිළියක් පහුගියදා අන්තර්ජාතික සම්මාන උළෙලකදී හොඳම නිළියට හිමි සම්මානයෙන්...
Views - 3258

නීටා වේදිකාවට

IMAGE 2017 Nov 12 14:13
පසුගියදා පැවැති සුමති සම්මාන උළෙ‍ලේදී ජීවිතයේ එක්වරක් පමණක් පිදෙන යූ.ඩබ්.සුමතිපාල අනුස්මරණ...
Views - 2014

Please publish modules in offcanvas position.