Home    |    Daily Lakbima    |    Sunday Lakbima    |   Rajina |    Archive    |    Advertise With Us    |     Careers Email - lakbimaonline@gmail.com youtube
lakbima.lk

                                                                                        එසැනින් පුවත් | ගොසිප් | විශේෂ පුවත් | සුන්දර ලක්බිම | ව්‍යාපාරික පුවත්     

අර්නොස්ටෝ චේ ගුවේරා කවුරුත් දන්නේ විප්ලවකාරයකු හැටියටය. 1971 ආණ්ඩු පෙරළන්නට කැරලි ගැසූ ලාංකික තරුණයන්ටද ගැමි ජනයා චේ ගුවේරා කාරයන් යැයි කීවේ එහෙයිනි. කෙසේ වෙතත් චේගේ විප්ලවීය අදහස් හැරුණු කොට ලෝකයම ඔහු හඳුනන ‍පොදු සලකුණු දෙකක් වෙයි. ඉන් එකක් වනුයේ ඇල්බර්ටෝ කෝදා විසින් ගන්නා ලද තරුවක් සහිත හිස් වැසුම පැලඳි චේගේ උඩුකය ඡායාරූප යයි. අනෙක සිය සගයකු වූ ඇල්බර්ටෝ ග්‍රැනඩෝ සමග නෝර්ටන් 500 වර්ගයේ යතුරු පැදියකින් ලතින් ඇමෙරිකාව හරහා කළ සංචාරයේ අත්දැකීම් අනුසාරයෙන් ඔහු ලියූ මෝටර් සයිකිලිස්ට් ඩයරි නම් කෘතියයි. යතුරුපැදිවලින් කරනා දීර්ඝ සංචාර ලතින් ඇමෙරිකානු කලාපයේ අදද ජනප්‍රියය. එහෙත් ලංකාවේ අපිට මොන මෝටර් සයිකල් සවාරි දැයි ඔබට සිතෙන්නට පුළුවන. නමුත් අපේ මේ සූදානම එවැනි දීර්ඝ සංචාරවල යෙදෙන අපූරු ලාංකික තරුණයන් පිරිසක් ඔබට හඳුන්වා දීමටය.
මේ තරුණයෝ සියලු දෙනා භද්‍ර යෞවනයේ පසුවන්නෝය. ඔවුහු කොළඹ සහ අවට ප්‍රදේශවල පදිංචිකරුවෝය. කෝඩුකාරයෝ නමින් සන්ධාන ගත වූ මොවුන්ගේ කණ්ඩායම සගයන් අට දෙනෙකි. මේ අට දෙනාටම ‍පොදු සලකුණක් ඇත. ඒ ඔවුහු සියලු දෙනාම සාඩම්බර ස්කූටර් හිමිකරුවෝ වීමය.
වර්තමානයේ යතුරුපැදිය තරම් ජනප්‍රිය නොවුණද අතීතයේ ස්කූටරයට මෝටර් රථයක් පමණක් දෙවෙනි වන අගයක් හිමිව තිබුණි. එය එකල කොතරම් ජනප්‍රියද යත් සිළුමිණ පුවත්පතේ පළ වූ මංගල යෝජනාවල පවා මනාලයන්ගේ සුදුසුකම් අතරට ස්කූටරයක් හිමි වැනි වදන් එක්ව තිබිමෙන් වටහාගත හැක. එහෙත් කෝඩුකාරයන් ස්කූටර්වලට පෙම් බඳිනුයේ මනමාල සුදුසුකම් වැඩිකරගැනීමට නොව (ඔවුහු කොහොමටත් මනමාලයෝය). මේ හුටු හුටු බයිසික‍ලේට තිබූ අපූරු ඇල්ම නිසාමය. 
කෝඩුකාරයෝ ස්කූටර් සමාජයට මේ නොවැම්බර් මාසයට වයස අවුරුද්දකි. මීට වසරකට පෙර ඔවුන් සන්ධාන ගත වනුයේ තමුන්ට වැලඳී තිබූ රථගාය සංසිඳවා ගැනීමට නොව යම් සමාජ සද්කාරයක යෙදීමට තිබූ ඕනෑකමද නිසාය. ඒ පිළිබඳ කෝඩුකාරයෙකු වන චරිත් ගුණසේකර පවසනුයේ මෙසේය.
අපි ඔක්කොම ස්කූටර් ප්‍රේමියෝ. ඊට අමතරව අපිට ඕනෑ වුණා සමාජයට වැඩක් කරන්න. ඒ නිසා අපි දුප්පත් ඉස්කෝලයක් තෝරාගෙන අවුරුද්දකට පාරක් ඒ ඉස්කෝලෙට තෑගි අරන් යනවා. කෝඩුකාරයෝ ලබන මාසයේත් එවැනි දේකට මොනරාගල යන්න හිතන් ඉන්නවා.කෝඩුකාරයෝ අට දෙනාගේ සන්ධාන ගතවීමද අපූරු කතාවකි. ඒ                                 පිළිබඳ අපට අදහස් දැක්වූ හසල ජයරත්න මෙසේ පැවැසීය. අපි ඔක්කොම ස්කූටර් හිමියෝ. ඒත් දැන් මේවා හදන්න බාස්ලා හිඟයි. අලුත් බාස්ලා කේබලයක්වත් දාන්න දන්නේ නෑ. ඉතින් අපි ඔක්කොම ස්කූටර් හදන්නට යන්නේ පිළියන්දල එල්.ආර්.එස්. හොස්පිට්ල් එකට. එතන අයිතිකරු සුරංග අයියා ඇවිල්ලා ස්කූටර්වලට දෙයියෙක්. ලංකාවේ ගොඩාක් අය ස්කූටර් හදන්න එන්නේ සුරංග අයියා ළඟට.
සුරංග අයියා ළඟට ස්කූටර් ඇඩ්මිට් කරනා මේ කොලු නඩේ වැඩේ ඉවර වෙන තුරු අල්ලාප සල්ලාපයේ යෙදෙති. කෝඩුකාරයෝගේ සමාජයට මුල්ගල තැබෙනුයේ එවන් සාකච්ඡාවකදීයි.
අපි එකතුවෙලා ක්ලබ් එකක් හදන්න මුල්වුණේ අරුණ. එයා තමයි කිව්වේ මෙහෙම ක්ලබ් එකක් හදමු කියලා. එදා ඒ වැඩේට චරිත්, හසල, විමුක්ති, අරුණ, තාරුක, සම්පත්, සිතුම් සහ සුරංග එකතු වුණා.
මේ ස්කූටර් ප්‍රේමියෝ මේ වන විට රට හතර අත සිය හුටු හුටු බයිසිකල්වල නැගී ගොස් ඇත. එවන් ගමන් පිළිබඳ මතකයද අපූරුය.
මෙවැනි සංචාරවලදී ඕනෑ කරන අඩුවැඩිය සියල්ල ‍පොදි බැඳගෙන සිය ස්කූටර්වල පටවාගෙන යෑම ඔවුන්ගේ සිරිතය. ඔවුහු කෑම උයන්නට ඕනෑ කරන අඩුවැඩියද, ගෑස් ළිප්, හට්ටි, මුට්ටි, හිරමණ, ආදී ද්‍රව්‍යද එක එක ප්‍රමාණයට ‍පොදි බැඳගන්නා ඔවුහු ඒවා ස්කූටර්වල ගැටගසා ගනිති. ඉන් නොනැවති රැය පහන් කිරීමට අවශ්‍ය කූඩාරම්ද ස්කූටර්වලට පටවා ගනිති. ගමන පිටත් වනුයේ ඉන් අනතුරුවය. ඊට අමතරව හදිසියේ ඇතිවන කාර්මික දෝෂයකට ඕනෑ කරන අමතර කොටස්ද, අඬු, මිටි, යතුරු වැනි ආයුධද කෝඩුකාරයෝ රැගෙන යති.
මෙවන් ගමන්වලදී, ලැබෙන අත්දැකීම් අපූරුය. මේ මෑතකදී කෝඩුකාරයෝ ත්‍රිකුණාමලය බලා ගමන් ඇරඹුවෝය. කුරුණෑගල, හබරණ හරහා ත්‍රිකුණාමලය බලා ගිය ගමනේදී මේ පිරිස වන අලීන්ට හසු නොවී බේරුණේ අනූනමයෙනි. ඒ සිදුවීම චරිත් සිහිකරනුයේ මෙසේය. එදා හසට ටිකක් අපල දවසක්. එයාගේ ස්කූටරයේ පැච් එකක් ගියා. අපි අමතර රෝදය දමාගෙන ගියා. අවාසනාවට ඒකෙත් හුළං ගිහින් ඉස්සර වෙලා ගිය කණ්ඩායමේ මායි විමුක්තියි තව දෙන්නෙකුයි හිටියා. අපි දන්නේ නෑ හසලගේ ස්කූටර් එකේ තවත් පැච් එකක් ගිහින් කියලා. මේ අය පරක්කු නිසා අපිත් මග නතර වුණා.
ඔවුන් මෙලෙස නතරව ඇත්තේ හබරණට නොදුරුවය. ඒ වන විට වේලාව රාත්‍රී 7.30ට ආසන්නය. හාත්පස ඝන කැලෑවය. සඳ බැබලෙන රෑ පානේ තම සගයා පැමිණෙන තුරු කල්මැරිය යුතුය. චරිත් සිය හුටු හුටුවේ තිබූ පන් පැදුර ගෙන බිම එලා ගත්තේය. විමුක්තිද සැණින් පන් පැදුරේ ඇලට් එකක් දමා ගත්තේය. හද්දා කරුව‍ලේ පාළු මාවතක පැදුරක ඉදගෙන සිටිනා මිතුරන්ට අමරදේවගේ ගීතයක් සිහිවිය. චරිත් ගැයුම ඇරඹුවේය. පි‍ලේ පැදුර හේනට අරගෙන යනවා.. එලා පැදුර මැස්සේ එහිම සැතපෙනවා.. විමුක්ති  හෙල්මට් එකට ගසමින් තාල ඇල්ලුවේය. ඒත් වැඩි වේලා ගී කියන්නට ඔවුනට ලැබුණේ නැත. ඒ එතනට ආ ‍පොලිස් ජීප් රියක් නිසාය. චරිත්ලා ළඟට කර ජීප් රථය නතර කළ ‍පොලිස් නිලධාරීහු ගෝරනාඩු කරන්නට විය.
තමුසෙලා බිලද..? පිස්සු හැදිලාද..? මෙතනින් අලි මාරු වෙන බව දන්නේ නැද්ද.. පැදුරු දාගෙන අලිමංකඩක බුඳියගෙන ඉන්නේ. යනවා යන්න ඉක්මනට. මේ හරියේ බස්වලටත් අලි ගහනවා. මේ මල ඉලව් ස්කූටර් අලියට බිත්තර කටු වගේ...
කෝඩුකාරයන්ට දෙලෝ රත් විය. ඔවුහු සැණින් ස්කූටර්වලට පැන ගත්තෝය.  පැදුරද කිහිලි ගන්වාගත් චරිත් අවසානයට ස්කූටරය පණ ගන්වා ගන්නා විටත් විමුක්ති ඇතුළු සගයෝ පවනට බඳු වේගයෙන් පලා යමින් සිටියහ. අවසානයේ ඔවුහු හසලගේ ස්කූටරය කැඩී තිබූ තැනට පැමිණියහ. සියලු දෙනා එකතුව ස්කූටර් රෝදය ගලවා පැච් එක දමන්නට විය. ස්කූටර්වලට පැච් දැමීම පන යන වැඩකි. ඒ රෝදය ගැලවීම රිම් එක දෙපළු කළ යුතු නිසාය.
කෙසේ හෝ ටයරය පිළිසකර කරගත් කෝඩුකාරයෝ පවනට බඳු වේගයෙන් ත්‍රිකුණාමලය බලා ගියහ.
ත්‍රිකුණාමලයට නොදුරුව කූඩාරම් අටවාගත් ඔවුන් එදා රාත්‍රී ආහාරයට ගත්තේ ‍පොල් රොටී හා ලුණුමිරිස්ය. කණ්ඩායමේ හොඳම කෝකියෝ දෙදෙනෙක්ම වෙති. ඒ සම්පත් හා තරුකය. සම්පත් බාබක්‍යු ක්‍රමයට මස් සකසන්නට රුසියෙකි. මෙවැනි සංචාරවලදී නූඩ්ල්ස්, රොටී, බාබකි්‍යු කළ මස් වැනි කෑම නිතර සාදන්නට සම්පත් හා තරුක කටයුතු කරති.
වරක් කෝඩුකාරයෝ බෙලිහුල් ඔය හරහා නුවරඑළිය ගොස් ලෝකාන්තයටද ගියෝය. ඒ ගමනේද විමුක්තිගේ හුටුහුටුව හොඳටම ලෙඩ දුන්නේය. ඒ කඳු ඇද ගැනීමට නොහැකිවය. සගයෝ මාරුවෙන් මාරුවට විමුක්තිගේ හුටුහුටුව තල්ලු කරමින් සහය දුන්නෝය. අවසන සීතල ලෝකාන්තයට යනවිට ඔවුහු දහඩියෙන් තෙත්ව සිටියෝය.
කෝඩුකාරයන්ගේ ස්කූටර ඉතා අලංකාර ලෙස වර්ණ ගන්වා ඇත. ඒවායේ විවිධ වූ ස්ටිකර් අලවා හැඩ ගන්වා ඇත. ඔවුනගේ ඇඳුම් පැලඳුම්ද අමුතුය. බොහෝ දෙනෙකු ගමන් කරන විට සරොම් කමිස අඳිති. තවත් අය කොට කලිසම් ටී ෂර්ට් අඳිති. හෙල්මට්වල පවා කුරුලු පිහාටු, රිබන් පටි අලවා හැඩ කරගනිති. මේ ලක්ෂණ නිසා යනෙනා සෑම දෙනාට කෝඩුකාරයන්ට මහජන ආකර්ෂණය නොඅඩුව ලැබෙන බව විමුක්ති පවසන්නේය. මෙවැනි විච්චූරණ පිළිබඳ අලුත් අදහස් අතරමග හමුවන අයද පලබා දෙන බව ඔවුන් පවසන්නේය.
කෝඩුකාරයෝ රැකියා පිණිස යන්නේද ගෙදර දොර වැඩකටයුතුවලට යන්නේද ස්කූටර්වලිනි. වෙනකක් තබා සිය පෙම්වතියන් බලන්නට යන්නේද ස්කූටර්වලිනි. හදිසියේ ළඟකට යන ගමනකදී කිරිල්ලියන්ද තම තමන්ගේ අජානේය ස්කූටර්වල පටවාගෙන යන්නට ඔවුහු අමතක නොකරති. එහෙත් දින ගණන් යන දිගු සංචාර  පෙම්වතියන්ට සපුරා තහනම්ය.
කෝඩුකාරයන්ගේ ප්‍රේමවන්තියෝ තම තමන්ගේ ප්‍රේම කුරුල්ලන්ගේ ඕනෑ එපාකම් හොඳින් හඳුනන නිසා ගැටලුවක් ඇතිවන්නේ නැත. දැන් කෝඩුකාරයන්ගේ පෙම්වතියෝද වෙන වෙනමම සන්ධාන ගතව සිටින බව පවසනුයේ සම්පත්ය.
එදා ච්ෙ ලතින් ඇමෙරිකාව හරහා ගිය නෝර්ටන් වර්ගයේ යතුරුපැදිය නම් කළේ ''ලා පෙඩ රෝසා ලෙසිනි. එහෙත් ලංකාවේ කෝඩුකාරයෝ  ලක්බිම හරහා පැද යන්නේ ඉතාලියෙන් ආ වෙස්පා සහ ඉන්දියාවෙන් ආ බජාජ් චෙටැක් ස්කූටරය ඒවා සියල්ල දෙපහරේ එන්ජින් සහිත ඒවාය. එපමණක් නොව මේ සියලු ස්කූටර් අදින් කාලෙකට පෙර ලියාපදිංචි කළ ශ්‍රී අංක සහිත ඒවාය.
 
අරුණ ලක්ෂ්මන් ප්‍රනාන්දු

ඔබ පිරිමියෙක් වුවත් කාන්තාවක් වුවත් ඉන් කම් නැත. වහාම ඔබගේ ඉණේ වට ප්‍රමාණය මැන බලන්න. පිරිමියෙකු නම් ඉණේ් වට ප්‍රමාණය අඟල් 40කට වැඩි නම් හා කාන්තාවක් නම් අඟල් 35කට වැඩි නම් වඩාත් කල්පනාකාරී විය යුතුය. මන්ද අනාගතයේ කෙදිනක හෝ ඔබ ආඝාත රෝගියෙකු බවට පත් වීමේ බරපතළ අවදානමක ලක්ෂණ ඔබේ ඉණේ් මිම්මේ සැඟව ඇත.
එම ලක්ෂණය පමණක් නොව ඔබ අධිරුධිර පීඩනයෙන් පෙලෙන පුද්ගලයෙක් නම් එයද ආඝාත රෝගියෙකු බවට පත් වීමේ බරපතළ අවදානම් සාධකයකි.
දැනටමත් ඔබ එවැනි රෝග ලක්ෂණ සහිතව දිවිගෙවන්නේ නම් ඒ පිළිබඳ මනා අවධානයෙන් පසු වීම හා වෛද්‍ය ප්‍රතිකාර සඳහා යොමුව එය පාලනය කර  ගැනීම වඩාත් වැදගත්ය. එම රෝග ලක්ෂණයන් දැනගත් පසුව ඒ සඳහා අවශ්‍ය ප්‍රතිකාර වෙත ඔබට යොමු විය හැකිය. ඒ සඳහා ඔබට කාලයක් ඇත.
එහෙත් හිටි හැටියේම ඔබ සිනහ වෙන විට කට ඇද වේ නම්, අත ඔසවන විට අත පණ නැති වේ නම් කතා කරන විට වචන පැට‍ලේ නම් වහාම ක්‍රියාත්මක විය යුතුය.
එවැනි රෝග ලක්ෂණයන් මතු වන්නේ රෝගය වැලඳීමේ අවදානම් සාධකයන් ලෙස නොව, ආඝාත රෝගය වැලඳුනු පසුවය. මෙවැනි රෝග ලක්ෂණයක් ඔබට හෝ ඔබ දන්නා කෙනෙකුගෙන් දුටුව හොත් ඒ පිළිබඳව වහාම ක්‍රියාත්මක විය යුතුය. රෝගියාව වහාම ළඟම තිබෙන ප්‍රධාන මහ රෝහලක් වෙත (ආඝාත රෝගීන් සඳහා ප්‍රතිකාර ලබා දෙන) ගෙන යාමට පසුබට නොවිය යුතුය.
එහෙත්  යම් පුද්ගලයෙකුගේ කට ඇද වුවද එම පුද්ගලයාට වේදනාවක් නොදැනෙන බැවින් වෛද්‍ය ප්‍රතිකාර සඳහා යොමු වීම ප්‍රමාද කිරීම අපට නිතරම දක්නට ලැබෙන කරුණකි. මෙම තත්ත්වය හේතුවෙන් මාස තුනක් තුළ ආඝාතය වැලඳුනු රෝගීන්ගෙන් සියයට 25ක් දෙනා මරණයට පත්වෙනු ඇත.
ඔබට ආඝාත රෝගය වැලඳෙන්නේ මොළයට රුධිර සපයන නාලයක් තුළ රුධිර කැටියක් හිරවීමෙන් හෝ රුධිර නාලයක් පුපුරා යාමෙන් මොළයේ යම් කොටසකට  අවශ්‍ය රුධිරය නොලැබිමෙණි. එවන් අවාසනාවන්ත තත්ත්වයන් සිදු වී මොළයේ ෙසෙල මිය යෑම සඳහා ගත වන්නේ විනාඩි 4ක් වැනි සුළු කාලයකි.
මෙම රෝග ලක්ෂණ මතු වූ වහාම රෝහලක් වෙත රෝගියා ගෙන ඒමට හැකි නම් ඔහුගේ රුධිර නාලයේ හිර වී තිබෙන රුධිර කැටිය දිය කර හැරීමට අවශ්‍ය ඖෂධය ලබා දිය හැකිය. එමගින් මොළයේ හානි සිදු වූ ෙසෙල කොටස අවට පිහිටි වලා පටලය බේරා ගත හැකිය. එහෙත් රෝගියා රෝහල වෙත පැමිණීම පැය 6ක පමණ කාලයක් ගත වන්නේ නම් එවිට මොළයේ වලා පටලයේ විශාල කොටසක්  හානි වේ.  
තවද රෝගියාගේ රෝග ලක්ෂණයන් පහළ වූ වේලාව නිවැරදිව දන්නේ නම් පමණක් රුධිර කැටිය දිය කළ හැකි ඖෂධය ලබා දිය හැකිය. එහෙත් රෝගියාගේ රෝග ලක්ෂණ පහළ වූ වේලාව නොදන්නේ නම් එම එන්නත ලබා දිය නොහැකිය. එනම් නින්දෙන් ආඝාත රෝගියෙකු වූ පුද්ගලයන්ට එම එන්නත ලබා නොදේ. එයට හේතුව වන්නේ රුධිර වහනයන් සිදු විය හැකි බැවිනි.
කෙසේ නමුත් රෝග ලක්ෂණ පහළ වූ රෝගීන් රෝහල වෙත රැගෙන එන විට කැඳ හෝ වෙනත් පානයක් බිමට දී රැගෙන එන අවස්ථාවන්ද දක්නට ලැබේ. එය කිසි විටෙකත් නොකළ යුතු දෙයකි. මන්ද ඇතැම් විටක රෝගීන් පවසන්නේ පානය කළ දේ ටිකක් වමනයට ගිය බවය. මෙයින් අදහස් වන්නේ පානය කළ දේ පෙනහැල්ල වෙත ගමන් කර ඇති බවකි. මෙවිට පෙනහැල්‍ලේ ප්‍රදාහයක් ඇති වී මොළයට ඔක්සිජන් සැපයුම අඩාල වනු ඇත. 
මෙවැනි රෝගියෙකු රෝහලක් වෙත රැගෙන ඒමේදී ඔහුගේ රුධිර පීඩනය ඉහළ යනු ඇත. එය ස්වභාවයෙන්ම සිදු කරනුයේ    මොළයට රුධිරය ‍පොම්ප කරවීමට අවශ්‍ය පීඩනය ලබා දීම සඳහාය. එම නිසා මෙවැනි රෝගීන්ගේ රුධිර පීඩනය එකවරම පහළ දැමීම වෛද්‍යවරුන් විසින් නොකරනු ඇත.
එසේම රෝගියා සීටී ස්කෑන් පරික්ෂණයකට ලක් කිරීම මෙහිදී වැදගත් වන්නේ ඔහුගේ මොළයට රුධිර සැපයීම අඩාලව ඇත්තේ රුධිර නාලයක රුධිර කැටියක් හිරවීමෙන්ද රුධිර නාල පුපුරා යාමෙන්ද යන වග සොයා බැලීම සඳහාය.
රෝගියා රෝගල වෙත පැමිණෙන විට උණ වැලදී ඇත්නම්, පෙෂර් එක අඩුව පවතී නම්, මොළයට ඔක්සිජන් සැපයුම අඩාල නම් , රුධිරයේ සීනි මට්ටම අඩු හෝ වැඩි වී ඇත් නම් මොළයට සිදුවන හානිය විශාල වන්නේය.
ඔබ ලුණු අධික කෙටි හෝ ක්ෂණික ආහාර වලට පුරුදු වී ඇත්තෙක් නම් , ව්‍යායාම නොකර සිටින්නෙක් නම්, රුධිර පීඩනයෙන් හා දියවැඩියාවෙන් පෙලෙන්නෙක් නම්, දුම්පානයෙන් හා මත්පැන් පානය කරන්නෙක් නම් තරබාරු නම් හා රුධිරයේ කොලෙස්ටේ‍රාල් ප්‍රමාණය අධික නම් වඩාත් සැලකිලිමත් විය යුතුය. මන්ද අනාගතයේදී ආඝාත රෝගය ඔබ කරා ළඟා වීමේ බරපතළ අවදානම් සාධකයන් මෙය වන බැවිනි.
 
ස්නායු රෝග විශේෂඥ වෛද්‍ය එම්.ටී.එම්. රිෆ්සි
 
ශ්‍රියානි විජේසිංහ

සිංහල අලුත් අවුරුද්ද ළං වන විට කෙසෙල් කැනක් ගැමි ගෙදර ගෙයි මුල්‍ලේ හිනැහිය යුතුය. හොඳින් පැහුණු කෙසෙල් කැනක් “අවුරුද්දට ගන්න” වෙන්කර තබා ගැනීම අතීත ගැමියාගේ සිරිතය. අපි පුංචි කාලයේ කෙසෙල් කැනක් ඉදවාගන්නට 
“දුම් පෑ” අන්දම අපට තවමත් මතකය. ඒ අවස්ථාවේ වළ ඉහළ මුදුන් කළ පස් ගොඩ වටා යමින් දුම් පිටවන තැන් වැසීම පැවරී තිබුණේ පුංචි අපටය. 
ඒ අද කෙසෙල් ඉදවන්නට කියා වරු ගණන් දුම් ගැසීමට කවුරුත් මහන්සි නොවන නිසාය. අද කෙසෙල් ඉදවන්නේ “කාබයිට්” ගසාය. එහෙත් කාබයිට් ගසන අන්දම අප කවුරුත් දැක නැත. රසායනික නාමයෙන් “කාබයිඩ්” ලෙස හඳුන්වන මෙම රසායනිකය ගැසූ පලතුරු හඳුනාගන්නටද ක්‍රමයක් නැත. 
නමුත් පලතුරු ඉදවීම සඳහා කාබයිට් භාවිත කිරීමට බොහෝ පලතුරු වෙළෙන්දෝ පෙළඹී සිටිති. බොහෝ විට පලතුරු වෙළෙඳුන්ටත් වැඩියෙන් මෙම උපක්‍රමය භාවිත කරන්නේ පලතුරු බෙදා හරින අතරමැදියෝය. ඔවූහු පලතුරු වතුවලටම ගොස් එම වතුයායේම පලතුරු සියල්ලම එකවර මිලදී ගනිති. පැ‍පොල්,, අඹ වැනි පලතුරු මිලදී ගැනීමේදී ඉඳුණු පැහැණු ළපටි භේදයක් ඔවුන්ට නොමැත. පලතුරු බෙදා හරින්නේ වතු හිමියාගෙන් පලතුරු ගස් පිටින් මිලදී ගනිති. පසුව ඔවූහු එම ගසෙහි ඇති සියලුම ඵලදාව නෙළා ගැනීමට කටයුතු කරති.
කූඨ උපක්‍රම ඇරඹෙන්නේ ඉන් පසුවය. පලතුරු වත්තේ සිට වෙළෙඳ‍පොළට පැමිණෙන විට ළපටි, මේරූ, නොමේරූ භේදයකින් තොරව එම පලතුරු සියල්ලම ඉඳුණු ඒවා බවට පත් වෙයි. නොඉදුණු ළපටි පළතුරු හොයාගන්නටවත් නැති තරම්ය.
මෙම ක්‍රියාදාමයන්ට සම්බන්ධ එක්තරා පුද්ගලයකු අප හා පැවසුවේ නෙළාගත් පලතුරු ප්‍රවාහනය කිරීමට ලොරි රථවල ගබඩා කළපසුව කාබයිට් වැනි ද්‍රව්‍ය ඉසීමට පෙළඹවෙන බවයි. ඔහු පැ‍පොල් වැනි පලතුරු මිලදී ගන්නා විට හැකි හැම විටම විශාලත්වයෙන් වැඩි ගෙඩි මිලදී ගන්නා ලෙස ඔහු වැඩදුරටත් පැවසීය. 
පැ‍පොල් ඉදවීමට ඇතැම් වතු හිමියෝ තවත් අපූරු උපක්‍රමයක් භාවිත කරති. ඒ පැ‍පොල් වැනි පලතුරු ගසෙහි තිබියදීම ඉදවන අපූරු ක්‍රමයකි. එහිදී සිදු කරන්නේ පැ‍පොල් ගෙඩියෙහි තැනින් තැන ඉදී ඇති බව පෙන්වීම සඳහා ඇඟිලි පහ කාබයිට් දියරවලට ඔබා එය පැ‍පොල් ගෙඩියෙහි ස්පර්ශ කිරීමයි. බොහෝ විට කාබයිට් ගැසූ විට මුළු ගෙඩියම එකවර ඉදෙන බව අපි අසා ඇත්තෙමු. නමුත් මෙම ක්‍රමය තුළින් සිදු වන්නේ පැ‍පොල් ගෙඩියෙහි තැනින් තැන ඉදීමයි. කාබයිට් පිළිබඳ වද වෙන පාරිභෝගිකයෝ ඇතැම් විට මෙසේ තැනින් තැන ඉඳුණු පැ‍පොල් වැනි පලතුරු රැගෙන යන්නේ “අනේ කාබයිට් ගහලා නැහැ” යනුවෙන් සිතමිනි. නමුත් කවුරුත් නොදන්නා කටුක සත්‍යය නම් එවැනි ගෙඩිවලටත් ගසෙහි තිබියදීම කාබයිට් ගසා ඇති බවය.
කෙසෙල්, පැ‍පොල්, අඹ, අන්නාසි, ඇපල්, මිදි, පේර, වෙරළු, නෙල්ලි වැනි පලතුරු ගත් විට වැඩිම කාබයිට් සංග්‍රහයකට ලක් වන්න් පැ‍පොල්, අඹ කෙසෙල් වැනි පලතුරුය. අඹ, පැ‍පොල්, කෙසෙල්වලට සාපේක්ෂව අන්නාසි සඳහා කාබයිට් යොදනුයේ අඩුවෙනි.
මේ සම්බන්ධයෙන් ගන්නෝරුව කෘෂිකර්ම දෙපාර්තමේන්තුවේ ආහාර පරීක්ෂණ අංශයේ නියෝජ්‍ය අධ්‍යක්ෂ එච්.ආර්.පී. ප්‍රනාන්දු පවසනුයේ අස්වනු නෙළාගැනීමෙන් පසුව කෙසෙල්, අඹ, පැ‍පොල් වැනි පලතුරු ඉක්මනින් ඉදවීම සඳහා කාබයිට් ගැසීම සිදු වන බවත් එසේම ඇපල්, අන්නාසි වැනි පලතුරු අස්වනු නෙළීමෙන් පසු විශාල ඉදීමක් සිදු නොවන බැවින් ඒවාට කාබයිට් එක් කිරීම සාර්ථක ෙනාවන බවත්ය.
පේර සඳහා කාබයිට් ගැසීමකට වඩා සිදු වන්නේ කෘෂි රසායනික ද්‍රව්‍ය ඉසීමය. පේරවලට පණුවන් ගැසීම වැළැක්වීමට පේර ගස් වටද කෘෂි රසායනික ද්‍රව්‍ය ඉසීම සිදු කරන බව කෘෂිකර්මාන්තයට සම්බන්ධ එක්තරා නිලධාරියකු පැවැසීය. එසේම පේර ගෙඩියට සෘජුව කෘමිනාශක ඉසීමද සිදු වන බව ඔහු පැවැසීය. පසුගිය දිනක පියා මේ අන්දමින් පේර  ගසට කෘමිනාශක එක්කළ බව නොදැන පේර ගෙඩියක් අනුභව කළ දැරියක ජීවිතයෙන් වන්දි ගෙව්වාය. 
ඇපල්, මිදි වැනි පලතුරු ලංකාවේ නිෂ්පාදනය ඉතා අල්පය. නැව් පිරෙන්නට මේවා ආනයනය කෙරෙයි. ඒ සඳහා ගතවන කාලය මාස ගණනකි. මේ කාලය තුළ ඇපල්, මිදි වැනි පලතුරු ජීව ගුණයක් පවත්වා ගැනීමට ඒවාට දිලීර නාශක ගල්වන බව අනාවරණය වෙයි.
මෙසේ වස විස නොමැතිව ආහාරයට ගැනීමට හැකියාව ඇත්තේ නෙල්ලි, වෙරළු වැනි පලතුරු බව මහජන සෞඛ්‍ය පරීක්ෂකයන්ගේ සංගමයේ සභාපති උපුල් රෝහණ අවධාරණය කරන්නේ එබැවිනි.
මේ අන්දමින් වසවිස එක්කළ දේ කෑමට බියෙන් පසුවන මධ්‍යම පාන්තික පාරිභෝගිකයන් අරමුණු කරගෙන දැන් දැන් කාබනික යැයි කියන පලතුරු සුපිරි වෙළෙඳ සල්වල දක්නට ලැබේ. එහෙත් මෙම කාබනික යැයි සඳහන් පැ‍පොල් ගෙඩියක මිල අනෙක් පැ‍පොල් ගෙඩියක මිලට වඩා ඉහළ අගයක් ගනී. නමුත් මේවා කාබනික දැයි අපට බැලූ බැල්මට තහවුරු කර ගැනීමට නොහැකිය. රස බලාද අනුමාන කළ නොහැක. ඒ සඳහා අප යොමු විය යුත්තේ විද්‍යාගාර පරීක්ෂණයන් වෙතයි. යමෙකුට මෙය අභියෝගයකට ලක් කළ හැකිද? එසේම නීතිමය පියවර ගත හැකිද? යන්න පිළිබඳව අප මහජන සෞඛ්‍ය 
පරීක්ෂකයන්ගේ සංගමයේ සභාපති උපුල් රෝහණගෙන් විමසීමක් කළෙමු. 
“පලතුරු වර්ග කාබයිට් යොදවලා ඉදෙව්වාද යන්න අපට පරීක්ෂාකර වාර්තාවක් ලබා ගැනීමේ හැකියාවක් නෑ. අප ඒ පිළිබඳව වාර්තාවක් ලබා ගන්නවා නම් රජයේ රස පරීක්ෂකගෙන් හෝ රජයේ අනුමත රස පරීක්ෂකවරයකුගෙන් වාර්තාවක් ගැනීමට අවශ්‍ය වෙනවා. නමුත් මෙරට තුළ ඒ සඳහා රසායනාගාර පහසුකම් නැහැ. අපි ඇස් මට්ටමෙන් මේ පිළිබඳව බලලා අධිකරණය වෙත ඉදිරිපත් කළහොත් එය අධිකරණයේදී විවාදයට ලක් වෙනවා. මෙවැනි පසුබිමක් යටතේයි අපි වැටලීම් කරන්නේ.” එම ප්‍රකාශය, පාරිභෝගිකයන් ලෙස අප පත්ව ඇති අසරණ තලය මොනවට කියාපාන්නක් නොවේද?
එසේම පසුගිය දිනවල කොමඩු සහ දෙළුම් සම්බන්ධවද මෙවැනිම කතාබහක් කරළියට පැමිණියේය. ඒ ඒවා ඉඳුණු බව පෙන්වීමට ඒවා තුළට වර්ණකාරක ඇතුළත් කරන බවයි. කාබයිට් පිළිබඳ විද්‍යාගාර පරීක්ෂණ කිරීමේ හැකියාව නොතුබුණද වර්ණක පිළිබඳ විධිමත් ලෙස පරීක්ෂා කිරීමේ හැකියාවක් පවතින බව මහජන සෞඛ්‍ය පරීක්ෂකයන්ගේ සංගමයේ සභාපතිවරයා පවසයි.”
අපිට වර්ණකාරක හඳුනා ගැනීමේ පහසුකම තියෙනවා. ඒ අනුව එවැනි පැමිණිලි හෝ වැටලීම්වලින් සැක කටයුතු දේ හමුවූ විට පරීක්ෂා කිරීමේ හැකියාව පවතිනවා.” හෙතෙම පවසන්නේය. 
නමුත් ඊට සම්බන්ධ චෝදනා ඔප්පු කිරීමේදී අධිකරණය පිළිගන්නේ රජයේ රස පරීක්ෂක හා රජයේ අනුමත රස පරීක්ෂකවරුන්ගේ වාර්තා පමණි. එලෙස රජයේ අනුමත රස පරීක්ෂක වාර්තා වන්නේ කොළඹ මහ නගර සභා රස පරීක්ෂක, අනුරාධපුර රස පරීක්ෂක අනුමත වාර්තා සහ වෛද්‍ය පර්යේෂණ ආයතනයේ (MRI) වාර්තා, කළුතර සෞඛ්‍ය විද්‍යායතනයේ වාර්තා පමණි. කාබයිට් හඳුනා ගැනීමේ හැකියාව පවතින ආයතන පැවතුණද එම ආයතන වාර්තා අධිකරණය නිල වශයෙන් පිළිගන්නේ නැත. එසේ හැකියාව තිබෙන ආයතන වන්නේ (ITI) ආයතනය හා ගන්නෝරුව ආහාර පරීක්ෂණ ආයතනයයි.
ගන්නෝරුව ආහාර පරීක්ෂණ අංශයෙන් අප පලතුරු ඉදවීමෙ ක්‍රම පිළිබඳව කළ විමසීමකදී එහි ප්‍රකාශක ආර්.පී. ප්‍රනාන්දු පවසා සිටියේ එතෆෝන් (Ethephon) භාවිත කර එතිලීන් වායුව නිපදවා ධූමකරණය කිරීමෙන් පලතුරු ඉදවීමට රජය අනුමැතිය දී ඇති බවයි.
“එතෆෝන් අප ආහාරයට ගන්නා හුනු සමග අවශ්‍ය සාන්ද්‍රණයට මිශ්‍ර කරලා එතිලීන් වායුව නිපදවල ධූමකරණය කිරීම රජය අනුමත කර තිබෙනවා. එහිදී පලතුරු කාමරයක ගබඩා කරලා එය වසා දමා තමයි මෙය සිදු කළ යුත්තේ. නමුත් කිසිම විටක එතිලීන් සමග ගැටීම හෝ ස්පර්ශය තහනම්. ඒ වගේම එතිලීන් ධූමකරණයෙන් ඉදවීමේ හැකියාව පවතින්නේ හොඳින් පැසුණු පලතුරු පමණයි.”
ඔහු සමග කතාබහේදී තවත් එක් කරුණක් පැහැදිලි විය. එනම් එතිලීන් භාවිත කර ධූමකරණයෙන් ඉදවීම තුළ පලතුරුවල රසය ගුණය ආරක්ෂා කිරීමේ හැකියාව පවතින බවයි. නමුත් කාබයිට් තුළින් පලතුරු ඉදවීමේදී පලතුරු රසය, ගුණය සියයට සියයක් විනාශ වෙයි.
 
ශිරෝමි රත්නායක

අරණායක සාමසර කන්ද කී පමණින් අපේ මතකයට එන්නේ ජීවිත ගණනාවක් බිලිගනිමින් නාය ගිය කන්දකි. එ්ත් මෙදා සාමසර කන්ද ගැන කතා කරන්නට ඇත්තේ ඊට වෙනස් කතාවකි. නායයමින් තිබෙන ජාතික සමගියට වැට බඳින විදියේ සිදුවීමක් ගැන සිදුවීමකි. 
පසුගිය 03 වැනිදා සාමසර කන්ද පාමුල ඇති අරණායක, මෝරාගම්මන ශී‍්‍ර මයුරපාද විහාරයට බොහෝ දෙනා රැුස්ව සිටියේ දරුවෙකු සසුනට ඇතුළුකර ගැනීමේ පින්කමට සහභාගි වීමටය. එ්ත් එ් පින්කමෙහි වෙනදා කවදාවත් නැති අරුමයක් මෙන්ම විශේෂත්වයක්ද වූයේය. එ් විශේෂත්වය නම් එදා සිංහල බෞද්ධ සැදැහැවතුන්ගේ සාදුකාර හඬ මැද සසුන්ගත වූයේ මුස්ලිම් දරුවකු වීමයි. 
මෙසේ සසුන්ගත වූයේ රාජගිරියේ රාජගිරිය මාදින්නාගොඩ පදිංචිව සිටි මොහොමඞ් සමීර් සුහයීර් නමැති අවුරුදු 10ක් වයසැති මුස්ලිම් ජාතික දරුවකි. මොහොමඞ් සමීර් සුහයීර් පැවිදි දිවියට ඇතුළත් වූයේ රාජගිරියේ චන්දකිත්ති නමිනි.
දරුවන් දෙදෙනකුගෙන් යුත් පවුලේ බාලයා වූ මොහොමඞ් සමීර්ට වැඩිමහල් සහෝදරයෙක්ද වේ. 2007 අපේ‍්‍රල් මස 12 දින බොරැුල්ල කාසල් කාන්තා රෝහලේදී උපත ලද සමීර්ගේ මව්පියෝ වූයේ මොහොමඞ් සුයීර් නිසාම්ඞීන් සහ චිත‍්‍රා සීමනි ඔලිවර් යන දෙපළය. සමීර්ගේ පියා ඉස්ලාම් භක්තිකයෙකු වන අතර මව සිංහල කාන්තාවකි.
රාජගිරිය, ඔබේසේකරපුර, අරුණෝදය මාවතේ, අරුණලූ උයනේ පදිංචිව සිටි මෙම දෙපළට පිරිමි දරුවන් දෙදෙනෙකි. පවුලේ බාලයා වූ සමීර් මව සහ පියා සමග ජීවත් වෙමින් සිටි අතර ඔහු 2013 මාර්තු 27 වෙනිදා ව/ගිරිඋල්ල/ නාලවලාන කනිෂ්ඨ විද්‍යාලයට ඇතුළත් කෙරිණි. එහිදී ඔහු අධ්‍යාපනය ලැබූයේ සිංහල භාෂාවෙනි. එම විදුහලේ වසරක පමණ කාලයක් අධ්‍යාපනය ලබමින් සිටියදී 2014 පෙබරවාරි 11 වන දින ඔහුගේ මව පියා වෙනත් ප‍්‍රදේශයකට පදිංචියට යාම නිසා සමීර්ටද පාසලට සමු දීමට සිදුවිය. 
එහෙත් තම පුතුන්ගේ අධ්‍යාපනය පටන් ගත් තැනදීම නාය යාමකට හසුවීම මවට  දරාගත නොහැකි දෙයක් විය. දස අතේ කල්පනා කළ ඇය අවසානයේදී නාවල ප‍්‍රදේශයේ පිහිටි විහාරස්ථානයක හිමිනමක් හමුවී තම පුතුට ඉගැන්වීමට අවශ්‍ය පරිසරය සකසා දීමට උපකාර වන ලෙස ඉල්ලා සිටියාය. එහි ප‍්‍රතිඵලය හැටියට සමීර්ට පන්සලේ නැවතීමට එම අවස්ථාවේදීම හැකිවිය. සමීර් පන්සලේ නැවැත්වූ මව ගෙදර ගියාය. එ්ත් සතියක පමණ කාලයක් විහාරස්ථානයේ නතර වී සිටි සමීර් තමන්ට පන්සලේ සිටිය නොහැකි බව පවසමින් මව සොයා පැමිණියේය. තම පුතුට කෙසේ හෝ ඉගැන්වීමට අදිටන් කරගෙන සිටි චිත‍්‍රා සීමනීට පූජ්‍ය ජඹුරේවෙල චන්ද්‍රරතන හිමියන් හමුවන්නේ මේ අතරමය. එ් කොළඹ විහාරස්ථානකදීය. ඵහිදී ඇය තම පුතු පිළිබඳ සියලූ තොරතුරු චන්ද්‍රරතන හිමියන්ට පවසන්නීය. සියල්ල සන්සුන්ව අසා උන් උන්වහන්සේ ඇයට යෝජනා කරන්නේ පුතු සසුන් ගත කරන ලෙසය. චිත‍්‍රා සීමනි චන්ද්‍රරතන හිමියන්ගේ එම යෝජනාවට එක පයින්ම කැමති වන්නීය. එ්ත් ඇයට එකවර පිළිතුරක් දිය නොහැකි වන්නේ, තම සැමියා දරුවාගේ පියා නිසාම්ඞීන් මේ ගැන කුමක් කියාවිදැයි නොදන්නා නිසාය. එ්ත් නිසාම්ඞීන්ද එ් යෝජනාවට අකමැති නොවන්නේය. එ් අනුව මේ මව් පිය දෙපළ තම දස හැවිරිදි කුඩා පුතු සමීර් චන්ද්‍රරතන හිමියන් වෙත භාර දුන්නේය. චන්ද්‍රරතන හිමියෝ කුඩා සමීර්වත් රැුගෙන කොළඹ සිට පැමිණියේ අරණායක, මෝරාගම්මන, ශී‍්‍ර මයුරපාද රජමහ විහාරයේ වැඩ වසන තම ගුරු හිමියන්වන පූජ්‍ය පුවක්මොටේ ධම්මරතන හිමියන් වෙතය.
අරණායක සාමසර කන්ද පාමුල කුඩා ඔය අසබඩ පිහිටි මෝරාගම්මන ශී‍්‍ර මයුරපාද රජමහ විහාරය පූජාවලිය ලියූ බුද්ධපුත‍්‍ර නාහිමියන් වැඩ විසූ ඓතිහාසික විහාරස්ථානයකි. ටැම් මත ඉදිකළ සංඝාවාසයක් හා බුදු කුටියක් ඇති මෙම විහාරස්ථානයේ විහාරාධිපතිි ලෙස කටයුතු කරන්නේ කෑගල්ල සියඹලාපිටිය අශෝකාරාමාධිපති පූජ්‍ය ශාස්ත‍්‍රවේදී පුවක්මොටේ ධම්මාරාම ස්වාමීන් වහන්සේය. උන්වහන්සේගේ අවවාද අනුශාසනා මත සමීර් සසුන් ගත කිරීමට කටයුතු සුදානම් කළහ. ඉකුත් ඉල් පොහෝ දිනට දින කිහිපයකට පෙර සමීර් ඇතුළු තවත් කුල දරුවන් තිදෙනකු පැවිදි කිරීමේ පින්කම උත්සවශී‍්‍රයෙන් සිදු කෙරුණි. මෙම පැවිදි කිරීමේ පින්කමේ බොහෝ දෙනෙකුගේ අවධානය යොමු වී තිබුණේ ඉස්ලාමීය ජාතික මොහොමඞ් සමීර් සසුන්ගත කිරීමේ අවස්ථාවයි. පූජ්‍ය පුවක්මොටේ ධම්මරතන හිමියන්ගේ ශිෂ්‍යයකු ලෙස රාජගිරියේ චන්දකිත්ති නමින් පැවිදි වූ කුඩා සාමණේරයන් දැනට මෝරාගම්මන විහාරස්ථානයේ වැඩ වෙසෙන පොල්අඹේගොඩ ශ‍්‍රී සුදර්ශනාරාම පිරිවෙන් ආයතනයේ අධ්‍යාපනය හදාරන්නේය.
තම පුතු ශාසනයට පූජා කළ මොහොමඞ් සුයීර් නිසාම්ඞීන් සහ චිත‍්‍රා සීමනි ඔලිවර් මව් පිය දෙපළ සිය පුතු බුද්ධ ශාසනයට පූජා කිරීම ගැන සඳහන් කරමින් කියා සිටියේ මෙවැනි කතාවකි. ‘‘අපිට ජීවත් වෙන්න කියලා ස්ථිර රැකියාවක් නැහැ. අපිටම කියලා ගෙයක් දොරක්වත් නැහැ. තැනින් තැන කුලියට තමයි ජීවත් වෙන්නේ. අපි ටික කාලයක් මීගමුවේ මාකඳුරේ වත්තක හිටියා. ලොකු පුතා නම් මහත්තයාගේ අක්කා ළග ඉන්නේ. පොඩි පුතා අපි ඵක්ක හිටියේ. එයා ඉස්කෝලෙකට දා ගන්න බැරිව අපි ගොඩක් දුක් වින්දා. ඔහොම ඉන්නකොට තමා චන්ද්‍රරතන හාමුදුරුවෝ හමුවුණේ. එ් හාමුදුරුවෝ හින්දා අපේ පුතා අද භික්ෂුන් වහන්සේ නමක් විදිහට ඉන්නවා දැක්කාම අපට ගොඩක් සතුටුයි. පුතා කවදා හරි හොඳ තැනකට එයි කියලත් අපට ලොකු විශ්වාසයක් තියනවා’’.
මේ සුවිශේෂී අවස්ථාවට ඉඩකඩ අතහිත සපයා දුන් මෝරාගම්මන ශී‍්‍ර මයුරපාද රජමහ විහාරස්ථානයේ විහාරාධිකාරි පූජ්‍ය පුවක්මොටේ ධම්මරතන හිමියන්ද එහිදී අපට හමුවිය. උන්වහන්සේ අප සමග කියා සිටියේ ශාසනික දියුණුව වෙනුවෙන් කැපවී සිටින බුද්ධ පුත‍්‍රයකු වන තමන්වහන්සේට ජාති ආගම කුල ආදී වශයෙන් භේදයක් නැති බවයි. ‘‘මොන ජාතියක මොන ආගමක වුණත් බුදු දහම වැලඳ ගන්නවානම් ඵ් දරුවාට ධර්මය අවබෝධ කර දීම තමයි අපේ යුතුකම. සිංහල, මුස්ලිම්, ජනතාවක් සහයෝගයෙන් ජීවත් වන මේ ගමේ ඉස්ලාම් භක්තික දරුවෙකු මහණ කළා කියලා ලොකු වෙනසක් නෑ. එදා ඉඳන්ම මේ ගමේ හැම දෙනාම ජීවත් වුණේ පන්සලත් එක්ක. මම මේ ඉස්ලාම් දරුවත් එක්ක තවත් කුල දරුවන් තුන් දෙනෙක් මහණ කළා. චන්දානන්ද, චන්දවිමල, ධම්මදස්සි හා චන්දකිත්ති යන මේ සාමණේරවරු සිව්දෙනාට හොදින් අධ්‍යාපනය ලබා දෙන්න  ඕනෑ. ඉදිරියේදී තවත් කුල දරුවන් කිහිප දෙනෙක් සසුන් ගත කරන්න මම බලාපෙරොත්තු වෙනවා’’. යැයිද උන්වහන්සේ තවදුරටත් කියා සිටියේය. 
 
ප්‍රදීප් කුමාර ධර්මරත්න

සත්වන ලෝක බොදු සමුළුව උදෙසා දිවයිනට සපැමිණි ජගත් බොදු නායකයෝ ශ්‍රී ලංකාවේ ඓතිහාසික බෞද්ධ උරුමය පිළිබඳ පණිවුඩය ලෝකයට ගෙන යන්නට ප්‍රතිඥා දුන්හ. උන්වහන්සේලා එවන් එකඟතාවකට පැමිණියේ ඓතිහාසික ජය ශ්‍රී මහා බෝ සමිඳුන් අභියසදීය. ශ්‍රී ලංකාව සත්කාරත්වය දැරූ සත්වන ලෝක බොදු සමුළුවට සහභාගි වීමට දිවයිනට පැමිණි ලෝක බොද්ධ නායකයෝ මෙවන් එකඟතාවකට එළැඹුණේ, ඔවුහු සියල්ලෝම ලාංකේය බෞද්ධ උරුමයන් අතළොස්සක් සියැසින් දැකගැනීමට කරන ලද කෙටි සංචාරය තුළදී වීම විශේෂත්වයකි. 
සත්වන ලෝක බොදු මහ සමුළුව අරලියගහ මන්දිරය කේන්ද්‍ර කර ගනිමින් අති උත්කර්ෂවත් අන්දමින් ඉකුත් සතියේ පැවැත්විණි. සමුළුව අවසන් දින දෙකෙහි සමුළුවට පැමිණ සිටි බෞද්ධ නායකයෝ ඓතිහාසික ජය ශ්‍රී මහා බෝ සමිඳුන් වන්දනා මාන කිරීම සඳහා මෙන්ම ඓතිහාසික මහනුවර ශ්‍රී දළදා මාලිගාව වැඳපුදාගැනීම උදෙසා සහභාගි වූහ. 
කොළඹින් ගමන් ආරම්භ කළ විශේෂ දුම්රියක මෙම දූත පිරිස අනුරාධපුර බලා ගමන් ගත්හ. ඒ සඳහා අවශ්‍ය සියලු පහසුකම්  මෙම සමුළුවේ සංවිධායක කමිටුවේ සභාපති නියෝජ්‍ය කථානායක තිලංග සුමතිපාල මහතාගේ නායකත්වයෙන් සංවිධානය කර තිබුණි.
අලුයම ගමන් ආරම්භ කළ දුම්රිය අනුරාධපුරය වෙත ළඟා වූයේ පෙරවරු 9.30ට පමණය. ඒ වනවිටත් මෙම දූත පිරිස පිළිගැනීම සඳහා මහානායක මාහිමිපාණන් වහන්සේලා ප්‍රධාන මෙරට බෞද්ධ නායකයෝ අනුරාධපුර ජය ශ්‍රී මහා බෝ සමිඳුන් වහන්සේ  අභියසට එක්ව සිටියහ. 
දූත පිරිස ජය ශ්‍රී මහා බෝ සමිඳුන් වෙත පුද පූජා පැවැත්වූ අතර පිරිස උඩමළුවට කැඳවාගෙන ගොස් ජය ශ්‍රී මහ බෝ සමිඳුන්ට වන්දනාමාන කිරීමටද අවස්ථාව ලබාදීමට මහානායක හිමිවරු කටයුතු කළහ. 
මෙහිදී විශේෂ පිරිත් සජ්ක්ධායනයක් පැවැත්වීමටද මහා සංඝරත්නය කටයුතු යොදා තිබුණි. දූත කණ්ඩායම වෙත ජය ශ්‍රී මහා බෝ සමිඳුන්ගේ ඓතිහාසික වැදගත්කමද පහදා දීමටද අප මහානායක හිමිපාණන් වහන්සේලා කටයුතු කළහ. එහිදී රැස්ව සිටි සියල්ලෝම සාදු නාද පැවැත්වූහ. 
දෙස් විදෙස් බෞද්ධ නායකයන් සිය බෞද්ධ නිකායන්ට ආවේණික වූ ගෞරව බහුමානවලින් උතුම් ජය ශ්‍රී මහා බෝ සමිඳුන් පුදන ආකාරයද මෙහිදී දැකගත හැකිවිය.
ජය ශ්‍රී මහා බෝ සමිඳුන් වැඳ ආශිර්වාදය ලබාගත් දූත පිරිස අනතුරුව පැමිණියේ ඓතිහාසික රංගිරි දඹුලු රාජමහා විහාරය වෙතය. එහිදීද මහා සංඝරත්නය විසින් දූත කණ්ඩායම රංගිරි දඹුලු විහාරය වෙනුවෙන් හද පිරි භක්තියෙන් පිළිගන්නා ලදී. අනතුරුව ඔවුහු සියල්ලෝම ඓතිහාසික රංගිරි දඹුලු විහාරය වැඳපුදා ගත්හ. දඹුලු විහාරයේ ඉතිහාසයද ඔවුන් වෙත කියා දීමට මහා සංඝරත්නය කටයුතු කළහ. 
ලෝක බෞද්ධ නායකයන් සියලෝම අනතුරුව පැමිණියේ ඓතිහාසික මහනුවර ශ්‍රී දළදා මාලිගාව සියැසින් දැකබලා වන්දනාමාන කර ගැනීමටය.
ලෝක බෞද්ධ නායකයන් අතර සිටි ලොව ප්‍රධාන රටවල් කිහිපයකට අයත් රජ පවුල්වල නායකයන් ශ්‍රී දළදා මාලිගාව දැක බලා ගැනීමට ප්‍රථමයෙන් පැමිණි අතර ඔවුන් දළදා වහන්සේ වැඳපුදා ගැනීමෙන් අනතුරුව මහනුවර දළදා මාලිගාවේ කෞතුකාගාරයද නැරඹුවෝය. 
ලෝක බෞද්ධ නායකයන් දළදා වහන්සේ වැඳපුදා ගැනීම කළේ ඉන් අනතුරුවය. ඔවුහු පෙරහරකින් දළදා මාලිගාව වෙත කැඳවාගෙන පැමිණියේ පස්වරු 2.00ට පමණය. 
ලෝකයේ බෞද්ධ නායකයන් විශාල පිරිසක් මෙලෙස එකම දිනක මහනුවර ඓතිහාසික දළදා මාලිගා පරිශ්‍රය වෙත පැමිණීම සැබැවින්ම සුවිශේෂී අවස්ථාවක් විය. මේ නිසාම අස්ගිරි හා මල්වතු මහනායක මාහිමිපාණන් වහන්සේලාගේ විශේෂ අවසරය මත හා මහනුවර දළදා මාලිගාවේ දියවඩන නිලමේවරයාගේද සහභාගිත්වය ඇතිව දළදා වහන්සේ වැඩ සිටින දළදා කරඬුව දැක බලා ගැනීමේ සුවිශේෂී අවස්ථාවද මෙම බෞද්ධ නායකයන් වෙත සලසා දී තිබුණි. ලෝක බෞද්ධ නායකයන්  ලබා දුන් මේ මහඟු අවස්ථාවට පිළිවෙළට දැඩි සතුට පළ කරන ලදී.
දළදා වහන්සේ සම්බන්ධ ඓතිහාසික පුරාවෘත්තද ලෝක බෞද්ධ නායකයන් වෙත පැහැදිලි කර දුන් මෙරට බෞද්ධ නායකයන් ශ්‍රී ලංකා බෞද්ධ ඉතිහාසයේ සුවිශේෂීත්වය හා වැදගත්කම ඔවුන් වෙත අවබෝධ කර දුන්නෝය.
ථෙරවාදී බුදුදහම නිර්මලව ආරක්ෂා වී පවතින ශ්‍රී ලංකාවේ මෙම බෞද්ධ උරුමය ආරක්ෂා කර ගැනීම ලෝකයේ සියලු බෞද්ධ රාජ්‍යවල වගකීමක් කොට සැලකිය යුතු යැයි ලෝක බෞද්ධ නායකයෝ මෙහිදී අවධාරණය කළෝය. මේ උතුම් බෞද්ධ උරුමය පිළිබඳව ලෝකයටම පණිවුඩයක් රැගෙන යන බවටද එම බෞද්ධ නායකයෝ මෙහිදී එකඟතාවකට පැමිණියහ.
සත්වන ලෝක බොදු සමුළුවට ශ්‍රී ලංකාව ලබාදුන් ඉතා ඉහළ සත්කාරකත්වයද මෙහිදී ලෝක බෞද්ධ නායකයන්ගේ විශේෂ පැසසුමට ලක්විය. එලෙසම මෙම කාර්යය මැනවින් සංවිධානය කර දීම පිළිබඳව අස්ගිරි-මල්වතු මහානායක මාහිමිපාණන් වහන්සේලා සත්වන ලෝක බොදු සමුළුවේ සංවිධායක කමිටුවේ සභාපති නියෝජ්‍ය කථානායක තිලංග සුමතිපාල මහතා වෙත විශේෂ ස්තූතියක්ද පුද කළහ.
ලෝකයේ සියලු බෞද්ධ රාජ්‍ය වෙත සුවිශේෂී මතක සටහනක් එක්කර ශ්‍රී ලංකාවේදී මුළුදුන් සත්වන ලෝක බොදු සමුළුව සැබැවින්ම ශ්‍රී ලංකාවට ජාත්‍යන්තරයේ විශේෂ අවධානයක් දිනාගැනීමට හේතුවූ සුවිශේෂී අවස්ථාවක් බවද සිහිපත් කළ යුතුය.
 
පානුක රාජපක්ෂ
 
ඡායාරූප - මංජුල පෙරේරා, ලක්මාල් වසන්ත, ප්‍රියන්ත ගමගේ

ඉකුත් සතියේ කොළඹ වරායට මහ ලොකු පෙරහරක් පැමිණියේය. එ් පෙරහර පැමිණියේ මහා සාගරය ඔස්සේ ඇමෙරිකාවේ සිටය. ඊට ලොව විශාලතම යුද නෞකා අතරින් එකක් ද එක්ව තිබුණේය. ඒ ඇමෙරිකා එක්සත් ජනපදයට අයත් යූ.එස්.එස්.  නිමිට්ස් නම් ගුවන් යානා ප‍්‍රවාහන නෞකාවයි. 
මෙම ගුවන් යානා ප‍්‍රවාහන නෞකාව කොළඹ වරායට පැමිණියේ  පිරිවර ප‍්‍රහාරක නෞකා කණ්ඩායමක්ද  සමගය. ප‍්‍රින්ස්ටන්, හාවර්ඞ්, ෂූප්, පින්ක්නි සහ  කිඞ් යනු  එම පරිවාර ප‍්‍රහාරක නෞකාවන් විය.
පරිවාර ප‍්‍රහාරක නෞකාද සමග මෙම යූ.එස්.එස්. නිමිට්ස් ඇමෙරිකානු යුද නෞකාව මෙරටට ළඟාවූයේ සුවිශේෂී අරමුණක් පෙරදැරිවය. එනම් ශ‍්‍රී ලංකාව හා ඇමෙරිකාව අතර දිනෙන් දින ශක්තිමත් වෙමින් ඇති නාවික සබඳතාවන් තවදුරටත් පුළුල් කිරීමේ අරමුනිණි.
”මෙරට රැුඳී සිටින කාලය අතරතුර, ලාංකික ජනතාවගේ ජීවන තත්ත්වය නැංවීම සඳහා මෙම ඇමෙරිකානු නාවිකයන් සමාජ සේවා වැඩසටහන් රැුසකද නිරතවීමට නියමිත බව ඇතුල් කෙශාප් තම නිවේදනයේදී සඳහන් කළේය.
ඇමෙරිකානු තානාපතිවරයා සඳහන් කළ පරිදිම නිමිට්ස් නෞකාවේ හා එහි පරිවාර නෞකාවල නාවිකයින් පසුගිය දින කිහිපය පුරාම දිවයිනේ ප‍්‍රදේශ රැුසක සමාජ සේවා ව්‍යාපෘතීන් රැුසකට සහභාගි විය. පාසල්, රෝහල්, ළමා නිවාස, වැඩිහිටි නිවාස ආදිය කේන්ද්‍ර කරගනිමින් මෙම සමාජ සේවා වැඩසටහන් ක‍්‍රි‍යාත්මක කළ අතර මෙරට රාජ්‍ය නොවන සංවිධානද මෙම වැඩසටහන් සඳහා එක්කරගැනීමට ඇමෙරිකානු නාවිකයින් කටයුතු කළහ.
එසේම ශ‍්‍රී ලංකා  නාවික හමුදාව සමග එක්වද වැඩසටහන් රැුසක්ම ක‍්‍රියාත්මක කිරීමට ඇමෙරිකානු නාවිකයෝ පියවර ගත්හ.
මෙම නිමිට්ස් නෞකාවේ කප්පිත්තා රියර් අද්මිරාල් ග්‍රෙගරි හරිස්ය. මෙම ශ‍්‍රී ලංකා සංචාරය තම නාවිකයින් පිරිසට සුවිශේෂී අත්දැකීමක් වන බව ඔහු පවසනුයේ ඉමහත් සතුටිනි. ඔහු පවසන පරිදි  ඹීී නිමිට්ස්, යනු 1985 වසරට පසු ශ‍්‍රී ලංකාවට ළඟා වූ පළමු ඇමෙරිකානු ගුවන් යානා ප‍්‍රවාහන නෞකාවය.
නිමිට්ස් නෞකාව සැබැවින්ම සද්දන්ත එකකි. එහි අපූරු තොරතුරු බොහෝය.
මේ මහා නෞකාව දියත් කළේ  1972 වර්ෂයේදීය. එය ඇමෙරිකාවේ පමණක් නොව ලෝකයේම    විශාලතම යුද නෞකාවක් ලෙස සැලකෙනවා. නැව් තලයේ සිට කුඹ ගස දක්වා උස තට්ටු 23කි.   නෞකාවේ දිග කිලෝමීටර් කාලකටත් වැඩිය. (මීටර් 333*  ගුවන් යානා අංගනයේ විශාලත්වය අක්කර 4.5කි.
මේ සද්දන්ත නෞකාවේ නාවික සෙනඟද ගමන් කරයි. නාවිකයන් 3200ක්‌ සහ ගුවන් නැවියන් 2480ක්‌ ඇතුළුව 5600කට අධික පිරිසක්‌ නෞකාවේ කාර්ය මණ්ඩලය ලෙස කටයුතු කරයි. වැඩමුර  ක‍්‍රමයට පැය 24ම සේවයේ යෙදෙන නාවික පිරිස වෙනුවෙන් දිනකට 4 වරක්‌ ආහාර පිළිගැන්වීම කෙරේ. මේ සඳහා විශාල ආහාර ගබඩාවක් පවත්වාගෙන යාම අවශ්‍ය වේ.
එසේම අවම වශයෙන් දින 70කට  සෑහෙන ශීත සහ වියළි ආහාර ගබඩා කර තබා ගත හැකි පහසුකම් මෙම නෞකාව තුළ ඇත. නැව සතු ජල පෙරන පද්ධතිය මගින් නිවෙස්‌ 2000කට සෑහෙන තරම් නැවුම් ජලය ගැලූ‍ම් 400,000ක්‌ මුහුදු ජලයෙන් පෙරා දිනපතා සපයනු ලබයි. නාවික පිරිසෙන් සියයට 16ක් කාන්තාවන්ය. කාන්තා සහ පිරිමි සැමටම වෙන්කළ විවේකාගාර සහ නිවෙස්‌ වේ. සමස්‌තයක්‌ වශයෙන් කොට්‌ට උර 14000ක්‌, ඇතිරිලි 28000ක්‌, දුරකථන 1400ක්‌ නෞකාවේ වේ.  ආලෝක සවිකිරීම් 30000ක්‌ සහිත මෙම නෞකාවේ  ඇද ඇති විදුලි රැුහැන් එක පෙළට දිගහැරියහොත් එහි දිග සැතපුම් 1600 කි. 
නෞකාවේ නැංගුරම නැවට සම්බන්ධ අඩි 1080ක්‌ දිග ලෝහ දම්වැල් දෙකකට ඇමිනූ ටොන් 30ක්‌ බර නැංගුරම් දෙකකින් සමන්විතය. එහි දියඉමෙන් ඉහළට තට්‌ටු 20ක්‌ පිහිටා ඇත. ගුවන්යානා අංගනයේ  විවිධ වර්ගයේ ගුවන්යානා 60ක්‌ නවතා ඇති අතර   අක්‌කර 3.5ක්‌ විශාල ගුවන් යානා ප‍්‍රවේශ මාර්ගයකින්ද නෞකාව සමන්විතය. එසේම ගුවන් තරණය සඳහා ඉන්ධන ගැලූ‍ම් මිලියන 3.3 ක්‌ නැවේ සැමවිටම රඳවාගෙන පවතී.
මේ නෞකාවේ සුක්‌කානම ඇල්ලීම කෙරෙනුයේ පියාසැරීමේ තට්‌ටුවේ දකුණු පැත්තේ සිට තට්‌ටු 10 ක්‌ උස කුලූනක මැදිරියක සිටය. එම මෙහෙයුම් මැදිරියේ 15ත් 18ත් අතර පිරිසක්‌ සේවයේ නිරත වේ. මෙහෙයුම් මැදිරියේ වීජ බෝඞ් ලෙසින් හඳුන්වනු ලබන පුවරුවක ඕනෑම අවස්‌ථාවක පියාසැරීමේ තට්‌ටුවේ ඇති ගුවන්යානා ස්‌ථානගතකර ඇති අන්දම පෙන්වන ආදර්ශ යානා පෙළගස්‌වා තිබේ.
ශ‍්‍රී ලංකාවට පැමිණීම හරහා මෙරටට ලැබුණු ප‍්‍රතිලාභ පිළිබඳවද නෞකාවේ කපිතාන්වරයා විස්තර කළේය.
”ඇමෙරිකානු නාවික හමුදාව ලොව ප‍්‍රබලතම හමුදා ඒකකයක්. ඔවුන් සතුව අත්දැකීම් රාශියක් තිබෙනවා. මෙවැනි සංචාර තුළින් එම අත්දැකීම් බෙදා හදාගැනීමට මෙන්ම නාවික ක්ෂේත‍්‍රයේ නවීන තාක්ෂණය පිළිබඳ දැනුමක් ලබා ගැනීමටද ශ‍්‍රී ලංකා නාවික හමුදාවට අවස්ථාවක් ලැබෙනවා.”‍
”එසේම ‍මෙම නාවිකයින් ශ‍්‍රී ලංකාවේ භාණ්ඩ හා සේවා මිලදී ගැනීම හරහා ශ‍්‍රී ලංකාවේ ආර්ථිකයට රුපියල් කෝටි 154ක මුදලක් එක් කරනු ඇතැයි ඇස්තමේන්තු කර තිබෙනවා”‍ යයි කපිතාන්වරයා පැහැදිලි කළේය.
 
පැතුම් වික‍්‍රමරත්න

ඕස්ට්‍රෙලියාවේ වික්ටෝරියා ප්‍රාන්තයේ සම්බුද්ධ විහාරයේ 2017 ඔක්තෝම්බර් මස පවත්වන ලද කඨින මහා පිංකම සහ ලාංකීය දරුවන්ගේ සංස්කෘතික උත්සවයෙන් බිදක්.

තායිලන්තය හා ශ්‍රී ලංකාව අතර ඇති බෞද්ධ  සැබැඳියාව තවදුරටත්  ශක්තිමත් කිරීමේ අරමුණින් සියම් ශ්‍රී ලංකා ජාත්‍යන්තර දම්සක් මධ්‍යස්්ථානය ඉදි කිරීමට කටයුතු යොදා ඇත. මෙම දම්සක් මධ්‍යස්ථානයට මුල්ගල තැබිමේ මහෝත්සවයට ශ්‍රී ලංකාවට පැමිණි තායිලන්තයේ වට්තෝන්ග් විහාරාධිපති ර්චඩච ඉචමචබඩ නාහිමි ඇතුළු ගිහි පැවිදි දූත පිරිස මහනුවර මල්වතු මහවිහාරයේදී තිබ්බටුවාවේ ශ්‍රී සුමංගල මල්වතු මහානාහිමියන් බැහැදුටු අවස්ථාව. පැලෑනේ ධම්මකුසල හිමියන්ගේ අධීක්ෂණයෙන්  මෙම දම්සක් ජාත්‍යන්තර බෞද්ධ මධ්‍යස්ථානය ඉදිකෙරේ.

ඡයාරුපය - නදීක දයා බණ්ඩාර - මහනුවර

ජර්මනියේ බර්ලින් නුවර ශ‍්‍රී සම්බෝධි විහාරස්ථානයේ මෙවර කඨින මහා පූජෝත්සවය බර්ලින් නුවර ශ‍්‍ර‍්‍රී සම්බෝධි විහාරාධිපති හා ගම්පහ ෙදාරණෑගොඩ ශ‍්‍රී සුමන්තින්දාරාම රජමහා විහාරාධිපති හා සදානන්ද මහා පරිවේනස්ථානයේ අධිපති ශාස්ත‍්‍රපති රඹුක්වැල්ලේ දේවානන්ද හිමියන්ගේ අනුශාසනා පරිදි සිදුකෙරුණි.
බර්ලින් විහාරාධිපති වැවුරුකන්නල රජමහා විහාරවාසී ශාස්ත‍්‍රපති දික්වැල්ලේ සීලසුමන හිමිපාණන් විසින් පැමිණ සිටි පිරිස පංච ශීලයෙහි පිහිටුවීමෙන් පසුව පොල්තෙල් පහන දැල්වීම ජර්මනියේ තානාපති රාජ්‍ය ආරක්‍ෂක අමාත්‍යාංශයේ හිටපු ලේකම් කරුණාසේන හෙට්ටිආරච්චි මහතා, ජර්මන් ජාතිකයන්ගේ බර්ලින් බෞද්ධ සංගමයේ සභාපති ආචාර්ය ෙරෙනර් නොවාක් මහතා ඇතුළු සිංහල, ජර්මන්, බෞද්ධයන් නියෝජනය කරමින් සිදුකෙරුණි.


මෙම කඨින මහා පූජෝත්සවයට ජිනීවා ජාත්‍යන්තර බෞද්ධ පදනමේ උපදේශක, ජර්මනියේ ප‍්‍රධාන සංඝ නායක ආචාර්ය වල්පොල කල්‍යාණතිස්ස නාහිමි, බර්ලින් විහාරාධිපති ශාස්ත‍්‍රපති දික්වැල්ලේ සීලසුමන හිමි, ජිනීවා ජාත්‍යන්තර බෞද්ධ පදනමේ විහාරාධිපති ශාස්ත‍්‍රපති හාල්යාලේ විමලරතන හිමි, මාතලේ මාරගස්පිටිය සිරි සුදත්තාරාමාධිපති ශාස්ත‍්‍රවේදී ඇතිපල්ලාවල නන්දසාර හිමි, බුලත්සිංහ මහගම ඉම්මල්ල ශ‍්‍රී මංගල මහා විහාරවාසී ශාස්ත‍්‍රපති රාජකීය පණ්ඩිත මහගම සුවිනීත හිමි, ජර්මනියේ ඩාලව්ට්ස්හි ධම්මකාය තායි විහාරාධිපති ප‍්‍රා මොන්චායි ෙසෙතනාපෝන් හිමි, ප‍්‍රා මහා බුන්යිට් යන තායි හිමිවරුද වැඩම කරවූහ.


මෙම මාහැඟි කඨින මහා පූජෝත්සවයට සෞඛ්‍ය ඇමැති රාජිත සේනාරත්න මහතා, ජර්මනියේ ශ‍්‍රී ලංකා තානාපති කරුණාසේන හෙට්ටිආරච්චි මහතා, එම මහත්මිය, ශ‍්‍රී ලංකා තානාපති කාර්යාලයේ නිලධාරී මහත්ම මහත්මීන් ඇතුළු සිංහල, ජර්මන්, තායි ඇතුළු විවිධ ජාතික බෞද්ධයන් විශාල පිරිසක් සහභාගි වූහ. මෙවර බර්ලින් නුවර ශ‍්‍රී සම්බෝධි විහාරස්ථ කඨින චීවරය භාරගෙන මූලිකව කටයුතු කරනු ලැබූයේ බර්ලින් නුවර ජර්මන් ජාතික වර්නන් ෆ‍්‍රිෂ්බියර් මහතා සහ කරුණා ෆ‍්‍රිෂ්බියර් මහත්මිය විසිනි.

---------------------------------------------------------------------------

ධම්මචක්ක විහාරයේ කඨින පිංකම

ප්‍රංශයේ පැරිස් නුවර ධම්ම චක්ක විහාරස්ථානයේ කඨින පූජෝත්සවය විහාරාධිපති කෝන්ගස්දෙණියේ ආනන්ද හිමිගේ අනුශාසකත්වයෙන් පැවැත්විණ. එම අවස්ථාවට ප්‍රංශයේ ජේතවනාරාමාධිපති මුරුංගාගස්යායේ ඤාණිස්සර නාහිමි, මල්වතු පාර්ශවයේ කාරක සංඝ සභික අඹන්වැල්ලේ සුමංගල නාහිමි, කොළඹ ආනන්ද විද්‍යාලයේ හිටපු ධර්මාචාර්ය වේපතඉර හේමාලෝක හිමි, බෞද්ධ හා පාලි විශ්වවිද්‍යාලයේ හිටපු උපකුලපති මහාචාර්ය ඉත්තදෙමළියේ ඉන්දසර හිමි, මහාචාර්ය වාවුවේ ධම්මරක්කිත හිමි, මානම්පිත අමිත හිමි, බටගොල්ලේ චන්දානන්ද හිමි, මාපලගම ජිනාන්ද හිමි, කැන්දවින්නේ රාහුල හිමි, පඩුවස්නුවර චන්දානන්ද හිමි ඇතුලු  සඝරුවන සහ ප්‍රංශයේ ශ්‍රී ලංකා තානාපති බුද්දි අතාවුද මහතා ප්‍රධාන විවිධ ජාතිකයන් මේ අවස්ථාවට සහභාගි වූහ.

ප්‍රංශයේ ජේතවනාරාමයේ වාර්ෂික කඨින පිංකම කාම්බෝජ, වියට්නාම, චීන, ලාඹේස්, ප්‍රංශ, ශ්‍රී ලංකා හා බුරුම, බංගලාදේශ යන රටවලට අයත් ගිහි පැවදි විශාල දෙනෙකුගේ සහභාගිත්වයෙන් පසුගියදා සිදුකෙරිණ.

ජේතවනාරාමාධිපති මුරුංගාගස්යායේ ඤාණීස්සර අධිකරණ නාහිමියන්ගේ අනුශාසනා පරිදි පැවති මෙම පිංකමට පැරිස් බෞද්ධ විහාරාධිපති කෝන්ගස්දෙණියේ ආනන්ද විද්‍යාලයේ හිටපු ආචාර්ය වේපතඉර හේමාලෝක, මහාචාර්ය ඉත්තදෙමලියේ ඉන්ද්‍රසර, ප්‍රංශයේ ප්‍රධාන සංඝනායක පරවාහැර චන්දරතන, මහාචාර්ය වාව්වේ ධම්මරක්ඛිත, බොරැල්ලේ කෝවිද, මනන්පිට අමිත, මාපලගම ජිනානන්ද, වතෝගල බුද්ධසාර, කැන්දවින්නේ රාහුල, කේ සුගතසිරි යන හිමිවරු ඇතුලු වියට්නාම බුරුම කාම්බෝජ ආදි රටවල හිමිවරුන් මෙම පිංකමට සහභාගි වූහ.



Page 1 of 6

IMAGE

ලිංගික උත්තේජන පෙති අකල්මරණවලට හේතුවක් ද?

IMAGE 2017 Nov 14 10:46
පුරුෂ ලිංගික උද්දීපනය සඳහා ගනු ලබන පෙති වර්ග වලින් අකල් මරණ සිදුවන බවට සමාජය පුරා පොදු...
Views - 577

වික්ටර්ට අපහාස වෙන බව දන්නවා නම් මම හොඳ කෙළියක් කරනවා

IMAGE 2017 Nov 13 13:02
සිනමාවේ හැමදාමත් දුෂ්ටකම් කරන විල්සන් කරූ පසුගිය දවස්වල ඉරාජ්ගේ මියුසික් වීඩියෝ එකක රඟපාලා...
Views - 3122

මේ මුතුකුඩ මැණිකේ නොගැළපෙන චරිත බාර ගන්නේ නැහැ

IMAGE 2017 Nov 13 12:35
අපි ඔබට මුතුකුඩ මැණිකේ කියන්නද? එහෙම නැත්නම් තිළිණි පෙරේරා කියන්නද? කැමැති නමක් කියන්න. මොකද...
Views - 1532

අයවැයෙන් වාහන මිල හරියටම අඩු වැඩි වෙන හැටි

IMAGE 2017 Nov 13 08:30
මුදල් අමාත්‍ය මංගල සමරවීර මහතා පසුගියදා (9) පාර්ලිමේන්තුවට ඉදිරිපත් කළ 2018 වසර සඳහා වන අයවැය...
Views - 2758

හොඳම නිළි සම්මානය ගන්න අධ්‍යක්ෂවරයා තනිවම ගිහින්

IMAGE 2017 Nov 12 19:05
ලාංකේය සිනමා නිළියක් පහුගියදා අන්තර්ජාතික සම්මාන උළෙලකදී හොඳම නිළියට හිමි සම්මානයෙන්...
Views - 3258

නීටා වේදිකාවට

IMAGE 2017 Nov 12 14:13
පසුගියදා පැවැති සුමති සම්මාන උළෙ‍ලේදී ජීවිතයේ එක්වරක් පමණක් පිදෙන යූ.ඩබ්.සුමතිපාල අනුස්මරණ...
Views - 2014

Please publish modules in offcanvas position.