lakbima.lk
2017-07-20 ඇමෙරිකා ඩොලරය ගැනුම් මිල රු.151.6800 , විකුණුම් මිල රු.155.4800 | බි‍්‍රතාන්‍යය පවුම ගැනුම් මිල රු.196.8000 , විකුණුම් මිල රු.203.4600 | යුරෝ යුරෝපය ගැනුම් මිල රු.173.6700, විකුණුම් මිල රු.180.2000 | ස්වීස් ප‍්‍රෑන්ක් ගැනුම් මිල රු.157.7400 , විකුණුම් මිල රු.164.0300 | කැනඩා ඩොලරය ගැනුම් මිල රු.119.6100 , විකුණුම් මිල රු.124.3000 | ඔස්ට්‍රේලියා ඩොලරය ගැනුම් මිල රු.119.5300 , විකුණුම් මිල රු.124.8000 | සිංගප්පූරු ඩොලරය ගැනුම් මිල රු.110.3500 , විකුණුම් මිල රු.114.3700 | ජපානය යෙන් ගැනුම් මිල රු.1.3485, විකුණුම් මිල රු.1.3993 |

ගාල්ල ටෙස්ට් තරගයේදී ශ්‍රී ලංකා පිතිකරුවන් හෝ පන්දු යවන්නන් සුපුරුදු දස්කම් නොදැක්වීමෙන් පරාජය වීමට සිදුවූ බව ශ්‍රී ලංකා නායක රංගන හේරත් පරාජයෙන් පසු පැවැති මාධ්‍ය හමුවේදී පැවැසීය.
“මෙම තණතීරුව පිතිකරුවන්ට යෝග්‍ය බව මම මුලින්ම කිව්වා. අවසන් දින දෙකේදී දඟ පන්දු යවන්නන්ට වාසිදායක වන තත්ත්වයක් තිබුණේ. පිතිකරණයේදී පෙරපෙළ වගකීම භාරගත යුතුයි. කාටවත් දොස් කියලා වැඩක් නෑ. අපි අංශ දෙකෙන්ම දුර්වල වුණා. අපේ වැරදි අපි හදාගත යුතුයි.” යැයි හේරත් පැවැසීය.
ඉන්දියාවේ ධවාන් වගේම පුජාරා දිග ඉනිම් ක්‍රීඩා කළ බවත් ශ්‍රී ලංකා පිතිකරුවන් කිහිප දෙනෙකු හොඳින් ඉනිම ඇරඹුවත් දිගු ඉනිමක් ක්‍රීඩා කිරීමට අසමත් වූ බවත් තරගයේ දෙපි‍ලේ වෙනස එය බවත් රංගන පවසයි.
“ඔවුන් අපිට ලකුණු 600 ක් ගැහුවා. ලංකාවෙදි අපිට 600 ක් ගැහුවේ ගොඩාක් කාලෙකට පස්සේ. මීට වඩා අපි හොඳින් පන්දු යැවිය යුතුව තිබුණා” යැයි රංගන පැවැසීය. එහෙත් සතුටු විය හැකි එකම කරුණ නුවන් ප්‍රදීප් හොඳින් පන්දු යැවීම බවත් රංගන පවසයි.
ධවාන් දවා ගැනීමට සැලසුමක් තිබූ නමුත් එය වැරදී ගිය බව පවසන රංගන මීළඟ තරගයේදී හොඳ සටනක් ලබාදිය යුතු බව පවසයි.
 

ශ්‍රී ලංකාව සහ ඉන්දියාව අතර ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති පළමු ටෙස්ට් ක්‍රිකට් තරගයෙන් ලකුණු 304 ක ජයක් ලැබූ ඉන්දියාව තරග 3 කින් සමන්විත තරගාවලිය 1-0 ක් ලෙස පෙරමුණ ගැනීමට සමත්විය.
ලකුණු 550 ක ඉලක්කයක් හඹාගිය ශ්‍රී ලංකාවට දෙවැනි ඉනිමේ රැස් කර ගත හැකිවූයේ ලකුණු 245 ක් පමණි. ශ්‍රී ලංකා පිතිකරුවන් දෙවැනි ඉනිමේද අසාර්ථක වීම නිසා අවසානයේ දැවැන්ත පරාජයක් ලැබිය.
ශ්‍රී ලංකා දෙවැනි ඉනිම වෙනුවෙන් දිමුත් කරුණාරත්න හතරේ පහර 9 ක් සහිතව ලකුණු 97 ක් ලබාගත් අතර නිරෝෂන් දික්වැල්ල හතරේ පහර 10 ක් සහිතව ලකුණු 67 ක් ලබා ගත්තේය.
මෙම තරගයේදී අසේල ගුණරත්න ආබාධයකට ලක්වීම හේතුවෙන් ශ්‍රී ලංකාවට ක්‍රීඩකයන් 10 දෙනෙකුගෙන් ක්‍රීඩා කිරීමට සිදුවූ අතර රංගනගේ අතේ පන්දුවක් වැදීම හේතුවෙන් ඔහුද දෙවැනි ඉනිමේ පන්දුවට පහර දීමට නොපැමිණියේය.
ඉන්දියාව වෙනුවෙන් දෙවැනි ඉනිමේදී පන්දුවෙන් දස්කම් දැක්වූ අෂ්වින් සහ ජඩේජා කඩුලු 3 බැගින් බිඳ හෙලීමට සමත්විය.
ඉන්දියාව දෙවැනි ඉනිමේදී කඩුලු 3 ට ලකුණු 240 ක් ලබා ඉනිම අත්හිටුවූ අතර නායක විරාත් කෝලි සිය 17 වැනි ටෙස්ට් ශතකය වාර්තා කරමින් නොදැවී ලකුණු 103 ක් ලබා ගත් අතර අභිනව් මුකුන්ඩ් ලකුණු 81 ක් ලබා ගත්තේය.
ඉන්දියාව වෙනුවෙන් මුල් ඉනිමේ ශතකයක් රැස් කළ ෂිකර් ධවාන් තරගයේ වීරයා සම්මානය දිනා ගත්තේය.
ශ්‍රී ලංකාව සහ ඉන්දියාව අතර දෙවැනි ටෙස්ට් ක්‍රිකට් තරගය ලබන 3 සිට 7දා දක්වා එස්.එස්.සී පිටියේදී පැවැත්වේ.
 
මංගල ධර්මප්‍රේම ගාල්ලේ සිට

ගාල්ල අන්තර්ජාතික ක්‍රිකට් ක්‍රීඩාංගණයේ දී ඉන්දීය කණ්ඩායම සහ ශ්‍රී ලංකාව අතර පැවැත්වෙන තරගාවලියේ පළමු තරගයේ තුන්වන දිනය නිමා වන විට දෙවන ඉණිම සඳහා පන්දුවට පහර දෙන ඉන්දීය කණ්ඩායම කඩුලු 03ක් දැවී ලකුණු 189ක් ලබා ගෙන මුල් ඉනිමේ වාසියත්  සමඟ ශ්‍රී ලංකාවට වඩා ලකුණු 498ක් ඉදිරියෙන් සිටියි.

ඉන්දීය කඩුලු දවා ගැනීමට දියත් කළ සැලසුම් තරගය අතර තුරදී වෙනස් කිරීමට සිදුවූ බව ශ්‍රී ලංකාව වෙනුවෙන් සාර්ථක පන්දු යැවීමක නිරත වෙමින් කඩුලු 6 ක් බිඳ දැමූ නුවන් ප්‍රදීප් පැවැසීය.සිය ටෙස්ට් දිවියේ හොඳම පන්දු යැවීම වාර්තා කළ නුවන් ප්‍රදීප් ලකුණු 132 කට කඩුලු 6 ක් බිඳ දැමීය.
ඉන්දීය පිල ලකුණු 600 ක් රැස් කිරීම පිළිබඳව අදහස් පළ කළ ප්‍රදීප් පවසන්නේ මුලින් යෙදූ සැලසුම් සාර්ථක නොවීම නිසා පසුව නව සැලසුම් පිටිය මැදදී සකස් කිරීමට සිදුවූ බවයි.
පළමු වරට කඩලු 5 ක් ලබා ගැනීම වැදගත් අවස්ථාවක් බවත් ලොව හොඳම පිතිකරුවෙකු වන විරාත් කෝලිගේ කඩුල්ල දවා ගැනීම වැදගත් වූ බවත් ප්‍රදීප් පැවැසීය.ඉන්දීය පිල ලකුණු 600 ක් ලබාගත් තණතීරුවේ ශ්‍රී ලංකාවේ කඩුලු 5 ක් බිඳ වැටීම පිළිබඳව අදහස් දක්වන වේග පන්දු පුහුණුකරු චමින්ද වාස් පවසන්නේ ශ්‍රී ලංකා පිතිකරුවන් හොඳින් පන්දුවට පහර නොදුන් බවයි.
“සමහර පිතිකරුවන් දැවී ගිය ආකාරය කනගාටුයි. අද මැතිව්ස් සහ දිල්රුවන්ට ලොකු වගකීමක් තියෙනවා. පළමු පැය දෙකේදී හොඳින් කඩුල්ල ආරක්ෂා කර ගත යුතුයි.” යැයි වාස් පවසයි.

ශ්‍රී ලංකාව සහ ඉන්දියාව අතර ගාල්ල ජාත්‍යන්තර ක්‍රිකට් ක්‍රීඩාංගණයේදී ඊයේ (26දා) ඇරැඹි පළමු ටෙස්ට් ක්‍රිකට් තරගයේදී කාසියේ වාසිය දිනා මුලින්ම පන්දුවට පහරදුන් ඉන්දියාව දිනය අවසන් වන විට කඩුලු 3 ට ලකුණු 399 ක් ලබා ප්‍රබල තත්ත්වයක පසුවිය.
ඊයේ ඉන්දියාව වෙනුවෙන් සුපිරි ඉනිමක නිරත වූ ෂිකර් ධවාන් වේගවත් ශතකයක් ලබාගත් අතර සුපිරි ටෙස්ට් ඉනිමක් ක්‍රීඩා කළ චෙටස්වර් පුජාරාද ශතකයක් වාර්තා කරමින් පළමු දිනයේ වැඩි ගෞරව ඉන්දියාවට දිනා දීමට සමත්විය.
මුරලි විජේ ආබාධයකට ගොදුරු වීම නිසා සංචිතයට කැඳවූ ධවාන් වේගවත් ඉනිමක් ක්‍රීඩා කරමින් පන්දු 168 කදී හතරේ පහර 31 ක් සහිතව ලකුණු 
190 ක් ලබා ගත්තේය.
මෙය ධවාන්ගේ 5 වැනි ටෙස්ට් ශතකය වන අතර ඔහු ටෙස්ට් දිවියේ ඉනිමක වාර්තා කළ වැඩිම ලකුණු සංඛ්‍යාව ලෙසද වාර්තා ‍පොතට එක්විය.
ධවාන් සහ පුජාරා අතර දෙවැනි කඩුල්ල වෙනුවෙන් ලකුණු 253 ක සම්බන්ධතාවක් වාර්තා වූ අතර පුජාරා පන්දු 247 කදී හතරේ පහර 12 ක් සහිතව නොදැවී ලකුණු 144 ක් ලබා ගත්තේය. මෙය පුජාරාගේ 12 වැනි ටෙස්ට් ශතකයයි.
ශ්‍රී ලංකාව වෙනුවෙන් ඊයේ පන්දු යැවීමේ ගෞරව දිනාගත් නුවන් ප්‍රදීප් ලකුණු 64 ට කඩුලු 3 ක් ලබාගත් අතර සුපිරි දඟ පන්දු යවන්නා වන රංගනට කඩුලු හිමි නොවීම කැපී පෙණුනි.
ඊයේ මුල් කඩුල්ල ලෙස අබිනව් මකුන්ඩ් ලකුණු 12 කට පිටියෙන් ඉවත් කිරීමට නුවන් ප්‍රදීප් සමත් වීමෙන් පසු ධවාන් සහ පුජාරාගේ සම්බන්ධතාව වාර්තා විය.
මෙම පිතිකරුවන් දෙදෙනා දිවා ආහාරය සහ තේ පානය අතර දී ලකුණු 167 ක් වාර්තා කිරීම කැපී පෙණුනි.
ධවාන් ලකුණු 190 කට දවාගත් ප්‍රදීප් තේ පානයෙන් පසු නායක කෝලි ලකුණු 3 කට දවා ගැනීමෙන් ඉන්දියාවේ තෙවැනි කඩුල්ල ලකුණු 286 දී බිඳ වැටුණි.
ඉන් පසු පිටියේ එක්වූ පුජාරා සහ රහානේ දිනය අවසන් වන විට සිව්වැනි කඩුල්ල වෙනුවෙන් ලකුණු 113 ක සම්බන්ධතාවයක් තැබිමට සමත්වූහ. පුජාරා නොදැවී ලකුණු 144 ක්ද, රහානේ නොදැවී ලකුණු 39 ක්ද ලබා කඩුල්‍ලේ රැඳී සිටියි.
අද තරගයේ දෙවැනි දිනයයි.
 
මංගල ධර්මප්‍රේම ගාල්ලේ සිට

ෂිකර් ධවාන් ලබාදුන් උඩ පන්දුවක් ස්ලිප් ස්ථානයේ සිට රැක ගැනීමට යාමේදී මහපට ඇඟිල්ල පුපුරා යාමකට ලක්වූ අසේල ගුණරත්නට තරගාවලියම අහිමිවී තිබේ.
ආබාධයට ගොදුරු වූ අසේල ඊයේ කොළඹට රැගෙන යාමෙන් පසු වෛද්‍ය පරීක්ෂණයකට භාජනය කර ඇති අතර ඊයේ රාත්‍රියේදී ශල්‍යකර්මයක් සිදු කිරීමට නියමිතව ඇති බව ක්‍රිකට් කළමනාකරු අසංක ගුරුසිංහ පවසයි.
අසේලගේ අහිමිවීම ඉතාමත් පාඩුවක් බව පවසන ගුරුසිංහ මෙම තරගය 10 දෙනෙකුගෙන් ක්‍රීඩා කිරීමට සිදුවී ඇති බව පවසයි.
මෙම ආබාධය නිසා අසේලට සති 4-6 ක කාලයක් විවේක ගැනීමට සිදුවිය හැකි බවද ගුරුසිංහ පවසයි.

Page 1 of 14

IMAGE

ගෙදරටම පැමිණ ගබ්සා කරන පොළොන්නරුවේ හොර වෙද්දු

IMAGE 2017 Jul 31 09:04
පොළොන්නරුව වැනි ඈත ප‍්‍රදේශවල මේ වන විට රහසිගතව සිදුවන මෙම නීති විරෝධී ගබ්සා ජාලය ජනාකීර්ණ...
Views - 76

ඕපදූප කතා ගැන ගයාත්‍රි පළමු වරට කතා කරයි

IMAGE 2017 Jul 30 18:35
මොනවද ගයාත්‍රි මේ අන්තර්ජාලයේ පැතිර යන කට කතා   කාලයක් තිස්සේ දැනගෙන හිටපු කීප දෙනෙක් මට...
Views - 801

නයිජීරියානුවන්ගේ ගැටවලට හසුවී සල්ලන්වන ලංකාවේ ගෑනු

IMAGE 2017 Jul 30 17:49
“මට ඔයාව මිතුරියක් කරගන්න ආසයි...... ඔයාට තෑගි දෙන්න......... නිතර ඔයා සමග කතා කරන්නත් ආසයි. හැබැයි...
Views - 1169

ජලනන්දන පිරිතෙන් වතුර නටවන්න පුළුවන් කියන්නේ බොරු! (Video)

IMAGE 2017 Jul 30 14:06
ජලනන්දන පිරිත ලක්ෂවාරයක් ජප කිරීමෙන් වතුර නැටවිය හැකිය යන මතයෙහි කිසිදු සත්‍යතාවයක් නැති...
Views - 542

නියඟය උහුලනු බැරිව දළුකාන ආදීවාසීහු වන වදිති

IMAGE 2017 Jul 28 12:40
නගරවාසීන්ට සාපේක්ෂව ගම්වාසීහු සොබාදහම නියමයන් පිළිගනිති. ගම්වාසීන්ටත් වඩා සොබාදහමේ...
Views - 1065

සොයුරා දැරියක කෙළෙසූ වරදට දඩුවමක් ලෙස දූෂණය වූ යුවතියක්

IMAGE 2017 Jul 28 10:52
කාන්තාවන්ට එරෙහිව ලිංගික අතවර සිදුවන රටවල් අතර දකුණු ආසියානු කලාපයේ රටවලටද හිමිවන්නේ...
Views - 4232

Please publish modules in offcanvas position.