lakbima.lk
2017-07-20 ඇමෙරිකා ඩොලරය ගැනුම් මිල රු.151.6800 , විකුණුම් මිල රු.155.4800 | බි‍්‍රතාන්‍යය පවුම ගැනුම් මිල රු.196.8000 , විකුණුම් මිල රු.203.4600 | යුරෝ යුරෝපය ගැනුම් මිල රු.173.6700, විකුණුම් මිල රු.180.2000 | ස්වීස් ප‍්‍රෑන්ක් ගැනුම් මිල රු.157.7400 , විකුණුම් මිල රු.164.0300 | කැනඩා ඩොලරය ගැනුම් මිල රු.119.6100 , විකුණුම් මිල රු.124.3000 | ඔස්ට්‍රේලියා ඩොලරය ගැනුම් මිල රු.119.5300 , විකුණුම් මිල රු.124.8000 | සිංගප්පූරු ඩොලරය ගැනුම් මිල රු.110.3500 , විකුණුම් මිල රු.114.3700 | ජපානය යෙන් ගැනුම් මිල රු.1.3485, විකුණුම් මිල රු.1.3993 |

ශ්‍රී ලංකාව සහ ඉන්දියාව අතර ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වෙන පළමු ටෙස්ට් ක්‍රිකට් තරගයේ දෙවැනි දිනය වූ ඊයේ (27දා) ඉන්දියාව මුල් ඉනිම වෙනුවෙන් ලබාගත් ලකුණු 600 ට පිළිතුරු ඉනිම ක්‍රීඩා කරන ශ්‍රී ලංකාව දිනය අවසන් වන විට කඩුලු 5 ට ලකුණු 154 ක් ලබා අසීරු තත්ත්වයකට පත්ව සිටියේය.
මේ අනුව ශ්‍රී ලංකාව මුල් ඉනිමේ කඩුලු 5 ක් අතැතිව ලකුණු 446 ක් පසුපසින් සිටියි.
හුදෙකලා සටනක නිරත වෙමින් පන්දු 92 කදී හතරේ පහර 8 ක් සහ හයේ පහරක් සහිතව නොදැවී ලකුණු 54 ක් ලබා සිටින ඇන්ජලෝ මැතිව්ස්ගේ කරමතට ශ්‍රී ලංකාවේ සියලු වගකීම් පැවැරී තිබේ.
ශ්‍රී ලංකා පෙර පෙළ පිතිකරුවන් ඉන්දීය වේග පන්දු යවන්නන් හමුවේ දුර්වල වූ අතර ඉනිම ගොඩ නංවමින් සිටි මැතිව්ස්-තරංග සම්බන්ධතාවය තරංග දුවද්දී දැවී යාමකට හසුවීමත් සමගම බිඳ වැටීමෙන් ශ්‍රී ලංකාව අසීරු තත්ත්වයකට පත්විය.
දිමුත් කරුණාරත්න ලකුණු 2 කට දවා ගැනීමට යදාව් සමත්වූ අතර එකම පන්දු වාරයකදී ධනුෂ්ක ගුණතිලක (16) සහ කුසල් මෙන්ඩිස් (00) පිටියෙන් ඉවත් කිරීමට ෂමී සමත් වීමෙන් කඩුලු 3 ක් ලකුණු 66 ක් තුළ බිඳ වැටුණි.
තරංග සහ මැතිව්ස් සිව්වැනි කඩුල්ල වෙනුවෙන් ලකුණු 57 ක සම්බන්ධතාවක් තැබිමෙන් පසු පන්දු 93 කදී හතරේ පහර 10 ක් සහිතව ලකුණු 64 ක් ලබා සිටි තරංග දුවද්දී දැවී යාමකට හසුවීමෙන් සිව්වැනි කඩුල්ල ලකුණු 125 දී බිඳ වැටුණි.
නිරෝෂන් දික්වැල්ල ලකුණු 8 කට දවා ගැනීමට ඇෂ්වින් සමත් වීමෙන් 5 වැනි කඩුල්ල ලකුණු 145 දී බිඳ වැටුණි.
දිනය අවසන් වන විට මැතිව්ස් නොදැවී ලකුණු 54 ක්ද, දිල්රුවන් නොදැවී ලකුණු 6 ක්ද ලබා සිටියේය.
ඊයේ ශ්‍රී ලංකාව වෙනුවෙන් පන්දුවෙන් සාර්ථක ප්‍රතිඵල නෙළාගත් වේග පන්දු යවන නුවන් ප්‍රදීප් සිය ටෙස්ට් දිවියේ හොඳම පන්දු යැවීම වාර්තා කරමින් ලකුණු 132 ට කඩුලු 6 ක් බිඳ දැමීමට සමත්විය.
නුවන් ප්‍රදීප් ඉනිමකදී කඩුලු 5 ක් බිඳ දැමූ පළමු අවස්ථාව මෙය වන අතර ලහිරු කුමාර කඩුලු 3 ක් ලබා ගත්තේය. ශ්‍රී ලංකාවේ අංක 1 පන්දු යවන්නා වන රංගන හේරත්ට මෙම ඉනිමේදී ලබාගත හැකිවූයේ එක් කඩුල්ලක් පමණි.
ඊයේ පෙරවරුවේ පන්දු 264 කදී හතරේ පහර 13 ක් සහිතව ලකුණු 153 ක් ලැබූ පුජාරා පිටියෙන් ඉවත් කිරීමට ප්‍රදීප් සමත්වූ අතර ලකුණු 57 ක් ලැබූ රහානේ දවා ගැනීමට ලහිරු කුමාර සමත් විය.
ඇෂ්වින් සහ සහා අතර ලකුණු 59 ක සම්බන්ධතාවය බිඳ දමමින් සහා ලකුණු 16 කට දවා ගනිමින් සිය පළමු කඩුල්ල ලබා ගැනීමට රංගන සමත්විය.
අෂ්වින් ලකුණු 47 කට දවාගත් ප්‍රදීප් සිය 6 වෙනි කඩුල්ල ලෙස ජඩේජා ලකුණු 15 කට පිටියෙන් ඉවත් කළේය.
හාර්දික් පාන්ඩ්යා සහ මෙහොමඩ් ෂමී එක්ව 9 වැනි කඩුල්ල වෙනුවෙන් ලකුණු 64 ක සම්බන්ධතාවක් තැබූ අතර ෂමී ලකුණු 30 කට පිටියෙන් ඉවත් කිරීමට ලහිරු කුමාර සමත් විය.
ලකුණු 4 ක් ලබා සිටියදී දිමුත් කරුණාරත්න අත්හැරි පහසු උඩ පන්දුවෙන් උපරිම ප්‍රයෝජනය ගත් පාන්ඩ්යා සිය පළමු ටෙස්ට් අර්ධ ශතකය ලබා අවසානයේ ලකුණු 50 කට ලහිරු කුමාරට ගොදුරුවන විට මුළු ලකුණු සංඛ්‍යාව 600 ක් විය.
අද තරගයේ තෙවැනි දිනයයි.

ලකුණු පුවරුව

ඉන්දියාව මුල් ඉනිම

ෂිකර් ධවාන් ඇ. මැතිව්ස් ප. ප්‍රදීප් 190
අබිනව් මුකුන්ඩ් ඇ. දික්වැල්ල ප. ප්‍රදීප් 12
චෙටස්වර් පුජාරා ඇ. දික්වැල්ල ප. ප්‍රදීප්153
විරාත් කෝලි ඇ. දික්වැල්ල ප. ප්‍රදීප් 3
අජින්කයා රහානේ ඇ. කරුණාරත්න ප. කුමාර57
රවිචන්ද්‍රන් ඇෂ්වින් ඇ. දික්වැල්ල ප. ප්‍රදීප්47
විදිමන් සහා ඇ. පෙරේරා ප. හේරත්16
හර්දික් පාන්ඩ්යා ඇ. (ද සිල්වා) ප. කුමාර50
රවින්ද්‍ර ජඩේජා ප. ප්‍රදීප් 15
මොහොමඩ් ෂමී ඇ. තරංග ප. කුමාර30
උමේෂ් යදාව් (නොදැවී)11

අතිරේක 16
මුළු ලකුණු (පන්දුවාර 133.1 කදී සියලු දෙනා දැවී)600

කඩුලු බිඳ වැටීම :- 1-27, 2-280, 3-286, 4-423, 5-432, 6-491, 7-495, 8-517, 9-579, 10-600
පන්දු යැවීම :- නුවන් ප්‍රදීප් 31-2-132-6, ලහිරු කුමාර 25.1-3-131-3, දිල්රුවන් පෙරේරා 30-1-130-0, රංගන හේරත් 40-6-159-1, ධනුෂ්ක ගුණතිලක 7-0-41-0

ශ්‍රී ලංකාව මුල් ඉනිම

දිමුත් කරුණාරත්න ක.මු.ක. ප. යදාව්2
උපුල් තරංග දු.දැ.ගි. (මුකුන්ඩ්/සහා)64
ධනුෂ්ක ගුණතිලක ඇ. ධවාන් ප. ෂමී16
කුසල් මෙන්ඩිස් ඇ. ධවාන් ප. ෂමී 0
ඇන්ජලෝ මැතිව්ස් (නොදැවී)54
නිරෝෂන් දික්වැල්ල ඇ. මුකුන්ඩ් ප. ඇෂ්වින්8
දිල්රුවන් පෙරේරා (නොදැවී)6
අතිරේක 4
මුළු ලකුණු (පන්දුවාර 44 කදී කඩුලු 5ක් දැවී)154
කඩුලු බිඳ වැටීම :- 1-7, 2-68, 3-68, 4-125, 5-143
පන්දු යැවීම :- මොහොමඩ් ෂමී 9-2-30-2, උමේෂ් යදාව් 8-1-50-1, රවිචන්ද්‍රන් ඇෂ්වින් 18-2-49-1, රවින්ද්‍ර ජඩේජා 9-1-22-0

මංගල ධර්මප්‍රේම ගාල්ලේ සිට

1948 වසරේ සිට ඔලිම්පික් තරඟ නියෝජනය කළ ශ්‍රී ලාංකික ක්‍රිඩක ක්‍රිඩිකාවන් රන් සම්මානයෙන් පිදීමේ උපහාර උත්සවයක් ජනාධිපති  මෛත්‍රීපාල සිරිසේන මහතාගේ ප්‍රධානත්වයෙන් ඊයේ (24) පස්වරුවේ කොටුව ජනාධිපති මන්දිරයේ දී පැවැත්විණි.

2017 වසරේ පැවැත්වෙන ක්‍රිඩා අමාත්‍යාංශයේ ස්වර්ණ ජයන්තියට සමගාමීව ක්‍රිඩා අමාත්‍යාංශය සහ ශ්‍රී ලංකා ඔලිම්පික් සංගමය විසින් මෙය සංවිධානය කර තිබූ අතර ඔලිම්පික් තරඟ නියෝජනය කළ ශ්‍රී ලාංකික ක්‍රිඩක ක්‍රිඩිකාවන් 41 දෙනෙක්මෙහි දී ජනාධිපතිවරයා අතින් රන් සම්මානයෙන් පිදුම් ලැබූහ.

ශ්‍රී ලංකා ඔලිම්පියන්ස් සංගමයට රුපියල් ලක්ෂ 50ක මූල්‍ය පරිත්‍යාගයක් සිදු කිරීම ද මෙහිදී ජනාධිපතිවරයා අතින් සිදු විය.

ක්‍රිඩාඅමාත්‍ය දයාසිරි ජයසේකර, අමාත්‍ය එස්.බී. දිසානායක, බස්නාහිර පළාත් ප්‍රධාන අමාත්‍ය ඉසුර දේවප්‍රිය යන මහත්වරුන් සහ පළාත් ක්‍රිඩා අමාත්‍යවරුන් ද, ක්‍රීඩා අමාත්‍යාංශයේ ලේකම් ආර්.බී. දිසානායක මහතා සහ ශ්‍රී ලංකා ඔලිම්පියන්ස් සංගමයේ සභාපති ශ්‍රියානි කුලවංශ, ලේකම් දමයන්තිදර්ශා, සුගත් තිලකරත්න යන මහත්මීන් ඇතුලු ඔලිම්පික් ක්‍රිඩක ක්‍රිඩිකාවෝ මෙම අවස්ථාවට එක්ව සිටියහ.









 

 

eng

 

අයි.සී.සී කාන්තා ලෝක ශූරතාව සිව් වෙනි වරටත් තමන් සතුකර ගැනීමට සත්කාරක එංගලන්තය  සමත් විය.

 

ඉන්දීය කාන්තා කණ්ඩායම සමඟ ඊයේ (24) ලෝඩ්ස් පිටියේදී පැවැති අවසන් මහා තරඟයේදී එංගලන්ත කණ්ඩායම ලකුණු 09ක තියුණු ජයක් අත්කර ගත්තේය.

 

ප්රඩථමයෙන් පන්දුවට පහර දුන් එංගලන්ත කණ්ඩායම පන්දුවාර 50දී කඩුලු 07ක් දැවී ලකුණු 228ක් ලබා ගත් අතර

ඉන්දීය කණ්ඩායමට සියලු දෙනා දැවී ලබා ගත හැකි වූයේ ලකුණු 219ක් පමණි.

 

ඉන්දීයවේ අවසන් කඩුලු 07 ලකුණු 28ක් තුළ දවා ගැනීමට එංගලන්ත පිළට හැකි විය.

ICC0

 ICC2

 ICC3

 ICC4

ICC5

ICC6

 

බහමාස්හිදී පැවැත්වෙන ‍පොදුරාජ්‍ය මණ්ඩලයීය යොවුන් ක්‍රීඩා උළෙ‍ලේදී ශ්‍රී ලංකාවට දෙවැනි රිදී පදක්කමත් දිනා දීමට කයිල් අබේසිංහ සමත් විය.
මේ අනුව කයිල් අබේසිංහ මීටර් 100 නිදහස් ආර සහ මීටර් 50 නිදහස් ආර පිහිනුම් ඉසව් දෙකෙන්ම ශ්‍රී ලංකාවට රිදී පදක්කම් දිනා දෙමින් ඉතිහාසගත විය.
‍පොදුරාජ්‍ය මණ්ඩලයීය ක්‍රීඩා උළෙලක පිහිනුම් ඉසව්වකදී රිදී පදක්කම් දෙකක් දිනාගත් පළමු ශ්‍රී ලාංකික ක්‍රීඩකයා ලෙස කයිල් අබේසිංහ වාර්තා ‍පොත් අතරට එක්විය.
පසුගිය 21දා පැවැති මීටර් 100 නිදහස් ආර තරගයේදී තත්පර 50.93ක කාලයක් සටහන් කරමින් කයිල් රිදී පදක්කම දිනා ගනිද්දී එහි රන් පදක්කම ස්කොට්ලන්තයේ ඇලෙක්සැන්ඩර් ස්කොට් (50.46) දිනාගත් අතර, ලෝකඩ පදක්කම සිංගප්පූරුවේ ජොනතන් ටෑනි (51.10) දිනා ගත්තේය.
පෙරේදා 22දා පැවැති මීටර් 50 නිදහස් ආර ඉසව්වේදී තත්පර 23.38ක කාලයක් සටහන් කරමින් කයිල් අබේසිංහ රිදී පදක්කම දිනාගත් අතර, එහි රන් පදක්කම මීටර් 100 නිදහස් ආර ඉසව්ව ජයගත් ස්කොට්ලන්තයේ ඇලෙක්සැන්ඩර්ම (23.10) දිනා ගැනීමට සමත් විය.
මෙම ඉසව්වේ ලෝකඩ පදක්කම ට්‍රිනිඩෑඩ් ඇන්ඩ් ටුබැගෝහි ජෙරන් තොම්සන් (23.43) දිනා ගත්තේය. 
මීට අමතරව මීටර් 50 පසුපස ආර පිහිනුම් අවසන් තරගයට සහභාගි වූ ශ්‍රී ලංකාවේ අකලංක පීරිස් ශ්‍රී ලංකා වාර්තාවක්ද සමගින් (තත්පර 26.78) 5 වැනි ස්ථානයට පත්විය.
මෙම තරගාවලියේදී ශ්‍රී ලංකා පිරිමි සත් සාමාජික රග්බි පිල කැනඩාව (19-15), ෆීජි (14-7), සමෝවා (36-14) සහ එංගලන්තය (32-5) හමුවේ පරාජය ලැබූ අතර, බහමාස් හමුවේ ලකුණු 76-0ක පහසු ජයක් වාර්තා කිරීමට සමත් විය.
ඉන් අනතුරුව රටවල් 6කගේ සහභාගිත්වයෙන් පැවැති මෙම පිරිමි රග්බි තරගාවලියේ 5 වැනි ස්ථානය සඳහා පැවැති තරගයේදී ශ්‍රී ලංකාව ලකුණු 43-5කින් බහමාස් පරාජය කළේය.
ශ්‍රී ලංකාව වෙනුවෙන් සහභාගි වූ එකම බොක්සිං ක්‍රීඩකයා වූ කාවින්ද සංජය (කි.ග්‍රෑම් 46-49 බර පන්තිය) අර්ධ අවසන් පූර්ව වටයේදී වේල්සයේ ක්‍රීඩකයා හමුවේ වට 4-1ක පරාජයක් ලැබූ අතර, කි.ග්‍රෑ. 51 බර පන්තිය යටතේ තරග වැදුණු එරංගා මධුමාලි මූලික වටයෙන්ම ඉවතට විසිවිය.
ටෙනිස් තරගාවලියේ දෙවැනි වටයේදී අනීකා සෙනෙවිරත්න වට 2-0කින් බහමාස් ක්‍රීඩිකාව පරාජය කරමින් අර්ධ අවසන් පූර්ව වටයට සුදුසුකම් ලබාගත් අතර, එහිදී සයිප්‍රස් ක්‍රීඩිකාව හමුවේ වට 2-0ක පරාජයක් ලැබුවාය.
ශ්‍රී ලංකාවේ ටෙනිස් ක්‍රීඩක විභූදා විජේබණ්ඩාරද දෙවැනි වටයේදී වේල්සය හමුවේ වට 2-0ක පරාජයක් ලැබූ අතර, විභූදා සහ අනීකා සහභාගි වූ මිශ්‍ර යුගල තරගයේදී වට 2-1කින් එංගලන්තය හමුවේ පරාජය ලැබිය. 
ශ්‍රී ලංකාවේ ෂෙහාන් දිලූෂ කාරියවසම් මී. 110 කඩුලු පැනීම අවසන් තරගයේදී මි. 13.93ක කාලයක් ලබමින් සිව්වැන්නා බවට පත්වූ අතර, සචිනි තාරකා කෝරලගේ මී. 100 අර්ධ අවසන් පූර්ව තරගයේදී තත්පර 12.70ක කාලයක් සටහන් කරමින් 7 වැනි ස්ථානයටද, මී. 200 මූලික වටයේ තරගයේදී (26.60) 5 වැනි ස්ථානයටද පත් වූවාය.
 

 

Crick SLIDE

තමන් ලොව අංක 1 ටෙස්ට් කණ්ඩායම වුවද ශ්‍රී ලංකාවේදී සටන අභියෝගයක් බව ඉන්දීය ක්‍රිකට් නායක විරාත් කෝලි ඊයේ (20දා) පැවැති මාධ්‍ය හමුවේදී පැවැසීය.

“අපි ශ්‍රී ලංකාවේදී මීට පෙර ක්‍රීඩා කරලා තියෙනවා. ශ්‍රී ලංකාවේදී සටන් වැදීම අසීරු අභියෝගයක්. මෙවර තරගාවලිය සටන්කාමී තියුණු තරගාවලියක් වෙනවා නොඅනුමානයි” යැයි විරාත් කෝලි පැවැසීය.

මීට වසර දෙකකට පෙර තමන් නවක කණ්ඩායමක් ලෙස ශ්‍රී ලංකාවට පැමිණ අත්දැකීම් පිරි ශ්‍රී ලංකා පිල සමග සටන් වැදී ජයගත් බවත්, එය ඉන්දීය ටෙස්ට් ක්‍රිකට් ක්‍රීඩාවේ හැරවුම්ලක්ෂය වූ බව විරාත් කෝලි පවසයි.

“අපි ගියපාර එනකොට අංක 7 හිටියේ. ගාල්ලේ පළමු තරගය පැරදුණා. ඊට පස්සේ අපි සටනක් දීලා තරගාවලිය හොඳට කළා. ඒකෙන් පස්සෙ තමයි අපි ලෝකයේ අංක 1 දක්වා පැමිණියේ. ඒකයි මම කියන්නේ ලංකාව හොඳ සටන්කාමී තැනක් බව.” යැයි කෝලි පැවැසීය.

මේ දිනවල ශ්‍රී ලංකා කණ්ඩායමේ තත්ත්වය පිළිබඳව නැගූ පැනයට පිළිතුරු දුන් කෝලි පවසන්නේ කිසිම කණ්ඩායමක් අවතක්සේරු නොකළ යුතු බවත්, තරගයේදී දක්වන දස්කම් මත අවසන් ප්‍රතිඵලය තීරණය වන බවයි.

පසුගිය මාස 6ක පමණ කාලයක් ඉන්දියාවට ටෙස්ට් තරග නොතිබුණු නමුත්, ශාරීරික යෝග්‍යතාවය, පෙර සූදානම සාර්ථකව ඇති බැවින් වෘත්තීය ක්‍රීඩකයන් වශයෙන් සාර්ථක සටනකට සූදානම් බව විරාත් කෝලි පවසයි.

ශ්‍රී ලංකාව පසුගියදා ලොව අංක 1 සිටි ඕස්ට්‍රේලියාව පරාජය කිරීම පිළිබඳව නැගූ පැනයට පිළිතුරු දුන් කෝලි පවසන්නේ එය විශිෂ්ට දස්කමක් බවයි. 

“ඕස්ට්‍රේලියාව හොඳ කණ්ඩායමක්. ඔවුන් ඕනෑම රටකදී සුපිරි දස්කම් දක්වනවා. ඒ නිසා ශ්‍රී ලංකාව ලැබූ ජය විශිෂ්ටයි. ඒත් අපි පසුගිය දේවල් ගැන හිතන්නේ නෑ. මෙම තරගාවලියේදී හොඳින් කරලා ජය ගන්න එක තමයි කණ්ඩායමේ අපේක්ෂාව” යැයි කෝලි පවසයි.

මුරලි විජේ ආබාධයකට ලක්වීමත් සමගම ආරම්භක පිතිකරු ස්ථානවල ප්‍රශ්නයක් ඇත්දැයි විමසූ විට කෝලි පවසන්නේ ලෝකේශ් රාහුල්, අබිනව් මුකුන්ඩ් සහ ෂිකර් ධවාන් ටෙස්ට් තරගවලදී ලකුණු ලබා ගැනීමේ පිපාසයෙන් පෙළෙන බැවින් එය එතරම් ප්‍රශ්නයක් නොවන බවයි.

රංගනගේ පන්දු යැවීම පිළිබඳව විමසූ විට කෝලි පැවැසුවේ රංගන සුපිරි පන්දු යවන්නෙක් වුවත් ඔහුට හොඳින් පන්දුවට පහර දීමට ඉන්දීය වෘත්තීය පිතිකරුවන් කටයුතු කරනු ඇති බවයි.

ලොව අංක 1 කණ්ඩායම ලෙස ලොව ඕනෑම තණතීරුවක ඕනෑම තත්ත්වයක් යටතේ දස්කම් දැක්විය යුතු බව සියලුම ක්‍රීඩකයන් අවබෝධ කරගෙන සිටින බවද කෝලි පැවැසීය.

මෙහිදී අදහස් දැක්වූ ඉන්දීය පුහුණුකරු රවී ශාස්ත්‍රි පැවැසුවේ තමන් පුහුණුකරුවෙකු ලෙස පළමු වරට ශ්‍රී ලංකාවේ සංචාරය කිරීමට ලැබිම ෙදෙවෝපගත සිදුවීමක් බවයි. 

“මගේ පළමු සංචාරය ක්‍රීඩකයකු ලෙස අවුරුදු 18දී පැමිණියේ ලංකාවට. විස්තර විචාරකයකු ලෙස පළමුව කටයුතු කළෙත් ශ්‍රී ලංකාවේදී. පුහුණුකරුවකු ලෙස පළමු සංචාරයත් දැන් ශ්‍රී ලංකාවේදී. මෙය මගේ ජීවිතයේ වැදගත් සිදුවීමක්.” යැයි ශාස්ත්‍රි පැවැසීය.

පුහුණුකරුවකු ලෙස ක්‍රීඩකයන්ට තමන් දෙන අවවාදය වන්නේ ජය ගැනීමටම ක්‍රීඩා කරන ලෙසත්, වෘත්තීය ක්‍රීඩකයන්ට පුහුණුකරුවකු කළ යුත්තේ මානසික ශක්තිය වර්ධන කිරීම පමණක් බවත් ශාස්ත්‍රි පවසයි.

තරගාවලිය පිළිබඳව අදහස් දැක්වූ ශ්‍රී ලංකා එක්දින සහ 20-20 නායක උපුල් තරංග පවසන්නේ ලොව අංක 1 කණ්ඩායමට එරෙහිව සාර්ථකව ක්‍රීඩා කර තම ශක්තිය පෙන්වීමට ශ්‍රී ලංකා ක්‍රීඩකයන්ට හොඳ අවස්ථාවක් හිමිවී ඇති බවයි.

මෙම පුවත්පත් සාකච්ඡාවට අසනීප තත්ත්වයක් හේතුවෙන් නිත්‍ය ටෙස්ට් නායක දිනේෂ් චන්දිමාල් සහභාගි නොවීය.

“ඉන්දියාව ලෝකයේ අංක 1 කණ්ඩායම. අපිට දැන් අවස්ථාවක් ඇවිත් තියෙනවා කලින් අංක 1 සිටි ඕස්ට්‍රේලියාව පරද්දලා අවධානය දිනා ගත්තා වගේ යළිත් සාර්ථක වෙන්න. කණ්ඩායමම සූදානමින් ඉන්නේ ඒ වෙනුවෙන්.” යැයි තරංග පවසයි.

“ඉන්දියාවේ ප්‍රබල දඟ පන්දු යවන්නන් රැසක් සිටිනවා. සිම්බාබ්වේ තරගාවලියේදීත් දඟ පන්දු යවන්නන් අපිට අභියෝගයක් වුණා. ඒ පිළිබඳව පුහුණුකරුවන් සමග සාකච්ඡා කරලා සැලසුමක් හදනවා. දඟ පන්දු අභියෝගයට පිතිකරුවන් සූදානම් වෙමින් සිටිනවා.” යැයි තරංග පැවැසීය.

 

 

මංගල ධර්මප්‍රේම 

 

ශ්‍රී ලංකාවේ දඟ පන්දු යවන්නා වන රංගන හේරත් අයි.සී.සී. ටෙස්ට් පන්දු යවන්නන්ගේ ශ්‍රේණියේ දෙවැනි ස්ථානය තෙක් ඉහළට පැමිණ තිබේ.
පසුගියදා අවසන් වූ සිම්බාබ්වේට එරෙහි ටෙස්ට් තරගයේදී කඩුලු 11ක් ලබාගත් රංගන හේරත් ලකුණු 866ක් ලබා දෙවැනි ස්ථානයට පැමිණ ඇති අතර, ඉන්දීය පි‍ලේ රවින්ද්‍ර ජඩේජා එහි  පළමු ස්ථානයේද, රවිචන්ද්‍රන් ඇෂ්වින් එහි තෙවැනි ස්ථානයේද පසුවෙයි. 
රංගන මේ වන විට ටෙස්ට් තරග 81කදී කඩුලු 384ක් බිඳහෙළා තිබේ.

Page 1 of 15

IMAGE

ගෙදරටම පැමිණ ගබ්සා කරන පොළොන්නරුවේ හොර වෙද්දු

IMAGE 2017 Jul 31 09:04
පොළොන්නරුව වැනි ඈත ප‍්‍රදේශවල මේ වන විට රහසිගතව සිදුවන මෙම නීති විරෝධී ගබ්සා ජාලය ජනාකීර්ණ...
Views - 76

ඕපදූප කතා ගැන ගයාත්‍රි පළමු වරට කතා කරයි

IMAGE 2017 Jul 30 18:35
මොනවද ගයාත්‍රි මේ අන්තර්ජාලයේ පැතිර යන කට කතා   කාලයක් තිස්සේ දැනගෙන හිටපු කීප දෙනෙක් මට...
Views - 801

නයිජීරියානුවන්ගේ ගැටවලට හසුවී සල්ලන්වන ලංකාවේ ගෑනු

IMAGE 2017 Jul 30 17:49
“මට ඔයාව මිතුරියක් කරගන්න ආසයි...... ඔයාට තෑගි දෙන්න......... නිතර ඔයා සමග කතා කරන්නත් ආසයි. හැබැයි...
Views - 1169

ජලනන්දන පිරිතෙන් වතුර නටවන්න පුළුවන් කියන්නේ බොරු! (Video)

IMAGE 2017 Jul 30 14:06
ජලනන්දන පිරිත ලක්ෂවාරයක් ජප කිරීමෙන් වතුර නැටවිය හැකිය යන මතයෙහි කිසිදු සත්‍යතාවයක් නැති...
Views - 542

නියඟය උහුලනු බැරිව දළුකාන ආදීවාසීහු වන වදිති

IMAGE 2017 Jul 28 12:40
නගරවාසීන්ට සාපේක්ෂව ගම්වාසීහු සොබාදහම නියමයන් පිළිගනිති. ගම්වාසීන්ටත් වඩා සොබාදහමේ...
Views - 1065

සොයුරා දැරියක කෙළෙසූ වරදට දඩුවමක් ලෙස දූෂණය වූ යුවතියක්

IMAGE 2017 Jul 28 10:52
කාන්තාවන්ට එරෙහිව ලිංගික අතවර සිදුවන රටවල් අතර දකුණු ආසියානු කලාපයේ රටවලටද හිමිවන්නේ...
Views - 4232

Please publish modules in offcanvas position.